Ульяна Попова хаартыската
Монголияҕа, Улан-Баторга ыытыллыбыт Аан дойду ыһыаҕын чэрчитинэн, Дьокуускайтан «Симэх»норуот айымньытын киинэ Монголия национальнай түмэлигэр туруорбут «Күн Дьөһөгөй оҕото» быыстапкатыгар Мииринэйтэн үс маастар кыттан кэллибит.
Мас ууһа Захарова Мария Александровна, иистэнньэҥ Попова Валентина Гаврильевна уонна мин, туосчут Попова Ульяна Николаевна-Күндүүнэ Сайдам, куукула оҥорооччу Дегтярёва Туяра Николаевна үлэлэрин илдьэ барбыппыт. Дьэ, олус үчүгэй сырыы буолла. Монголияҕа бэйэбит дойдубутугар сылдьар курдук сананныбыт. Санаа хоту барыта салаллан, ытыс үрдүгэр сылдьан, ыалдьыттаан, үтүө дьоннуун алтыһан, билсэн-көрсөн, үлэҕэ үөрүйэҕи атастаһан астынныбыт. Бэйэбит да бэркэ тапсан, биир киһи курдук ситэрсэн сырыттыбыт. Быыстапкаҕа элбэх киһи кэлбитэ сөхтөрдө. Биһиги маастар-кылаас ыыттыбыт. Наһаа сэргээтилэр. Мин штамповканан охсон туоһунан магнит оҥотордум. Валентина Гаврильевна сиэлинэн кыра дэйбиир оҥорорго үөрэттэ. Мария Александровна хабылык, хаамыска оонньуутун көрдөрдө.
Бу далааһыннаах улахан тэрээһиҥҥэ ыалдьыт курдук сырыттыбыт. Ураһаҕа (юрта) хонон, кэрэ айылҕалаах сиргэ хаартыскаҕа түһэн, ырыа-тойук истэн, үҥкүү-битии көрөн дуоһуйа сынньанныбыт. Тэрээһин кэмигэр хабылыкка, хаамыскаҕа оонньууну көрдөрдүбүт, үөрэттибит.
Саха омук сатабылын, култууратын монгол норуотугар көрдөрөр тэрээһиҥҥэ кыттыбыппыттан олус үөрэн, астынан кэллим. Олохпор умнуллубат биир кэрэ кэрдиис түгэни эбинним.
Ульяна Попова,
Таас Үрэх, Мииринэй.
Ааптар хаартыскалара.
Тохсунньу 25 күнүгэр Арчы дьиэтигэр өрөбүллээҕи Оһуокайбыт буолла. Бүгүҥҥү алгыстаах Оһуокай Сунтаар улууһугар ананна. Сунтаар…
600-тэн тахса киһи олорор Мытаах нэһилиэгэр “Аартык”, “Дүөдэ”, “Дьөлөккөн” түөлбэлэр бааллар. Күннэтэ олохпут уларыйар, сайдар…
Дьокуускай куорат 13 нүөмэрдээх оскуолатыгар Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларын…
2025 сыллаахха олунньу саҥатыгар СӨ бырабыыталыстыбата өрөспүүбүлүкэҕэ 2030 сылга диэри туризмы сайыннарыы стратегиятын бигэргэппитэ. …
Үөһээ Бүлүү улууһун Өргүөт нэһилиэгин олохтоохторо байыаннай дьайыыга сылдьар хорсун буойуттарын өйүүллэр, кинилэр үтүө көмөлөрө…
Билии чыпчаалын баһылаабыттар ааттара билиннэ. "Кубок знатоков наслега" түмүктэннэ! Бу туһунан биһиэхэ Өспөхтөн бибилэтиэкэр Сайыына …