Хаартыска: СИА.
Монголияттан мас тардыһааччылар хамаандалара Саха сиригэр кэлэллэрэ күүтүллэр. Мас-рестлинг үөскээбит дойдутугар кэлэн, аан дойду чөмпүйэнээтигэр бэлэмнэниэхтэрэ, ону тэҥэ, турнирга кыттыахтара, диэн СИА суруйар.
Бу сыл атырдьах ыйыгар Монголияҕа эр дьон уонна дьахталлар ортолоругар мас-рестлиҥҥэ аан дойду VII чөмпүйэнээтэ, ону тэҥэ, уолаттар уонна кыргыттар ортолоругар аан дойдутааҕы «первенство» күрэхтэһиитэ ыытыллыаҕа.
Күрэхтэһиилэр атырдьах ыйын 1-2 күннэригэр кэрэ көстүүлээх Архангайскай аймакка ыытыллыахтара. Монгуоллар үрдүк тэрээһиннээх таһымҥа аан дойдутааҕы улахан күрэхтэһиилэри ыытарга эрэ буолбакка, күүстээх хамаанданы тэрийэргэ бэлэмнэнэллэр. Онуоха Монголия хомуур хамаандатын чилиэннэрэ мас-рестлинг дойдутугар бэлэмнэнэ кэлиэхтэрэ. Алта күүстээх спортсмен кэлэрэ күүтүллэр.
Олор истэригэр аан дойду призера Унурбат Цецгее (90 кг) баар, кини хамаандатыгар бастыҥынан ааҕыллар. Кинини кытта аан дойду уонна Азия чемпионаттарын мэтээллэрин хаһаайыттара буолбут өссө биэс спортсмен кэлиэхтэрэ.
Хомуур түмүгүнэн, монгуоллар ыам ыйын бүтүүтэ норуоттар икки ардыларынааҕы таһымнаах Амма улууһун абсолютнай чөмпүйүөннэрин турнирыгар кыттыахтара.
Бу иннинэ Монголия хамаандата Саха сиригэр хаста да кэлэ сылдьыбыта. Бэлэмнэнии түмүгэр, кинилэргэ бастакы аан дойду чөмпүйүөнэ баар буолбута.
Дьокуускай куорат "Спортивнай" түөлбэтигэр уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута…
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…