Ангелина Васильева хаартыскаҕа түһэриитэ
Сайыҥҥы сынньалаҥ бүтэн, үөрэх дьыла саҕаламмытынан, култуурунай олох күөстүү оргуйан барда. Ол курдук, Дьокуускайга Санкт-Петербуртан Арассыыйа бастыҥ циркэлэриттэн биирдэстэрэ — Моретти циркэтэ кэллэ.
Балаҕан ыйын 6 күнүгэр Моретти циркэтэ »Однажды в сказке» диэн туруоруутун премьерата буолуоҕа.
Аан бастаан харахха быраҕыллара — артыыстар олус сиэдэрэй көстүүмнээхтэр. Уот-күөс, тыас-уус да мааны. Бу барыта остуоруйа эйгэтигэр сирдээн киллэрэр, күннээҕи олоҕу умуннарар, алыптаах умсулҕаҥҥа умсаҕын.
Манна бааллар — куупал аннынан кый үрдүккэ күөрчэхтии эргийэр гимнастар, көрөөччүлэри күллэрэр клоуннар, көрдөөх шуттар, дьааһыгы тимир турбаларынан дьөлө анньан баран, түөрт кыыһы субурутан таһаарар таайтарыылаах иллюзионист, көстүүнү киэргэтэр үҥкүүһүттэр, сымса акробаттар, эквилибристэр…
Оттон оҕолор, биллэн турар, саамай кыыллары сөбүлээтилэр. Хойуу түүлээх, мап-маҥан шпиц ыттар, дьэрэкээн попугайдар оҕолор куттарын туттулар.
Ол эрээри, Моретти циркэтин хатыламмат түгэнэ — дьиҥнээх баабырдар уонна хахай нүөмэрдэрэ! Антракт кэнниттэн Саха циркэтин аренатын улахан тимир килиэккэнэн бүрүйдүлэр.
Дьэ доҕоор, биир-биир субуруһан биэс баабыр, ол иһигэр биир маҥан өҥнөөх альбинос тигр, биир хахай киирдилэр. Аарыма адьырҕалар дрессировщик тылын истэлллэринэн, улгумнарынан сөхтөрдүлэр. Ордук маҥан, мөдөөн, эмис баабыр атаахтыыр, сыллаһар, куустуһар. Атын да баабырдар хаалсыбаттар, баппаҕайдарын биэрэн, дорооболоһоллор, төбөлөрүнэн аалыналлар, салыыллар. Айылҕа оҕолорун дьиктилэрэ араас буоллаҕа. Биир баабыр куһаҕан настарыанньалаах уһуктубут быһыылаах, киһи этэ салаһыах, ырдьыгыныыр, бараары гынар. Айылҕа аарыма адьырҕата буоллаҕа. Онтон олох да хойуутун түһэрэн кэбиспитин, атын киһи сүүрэн кэлэн, килиэккэ таһыттан тугунан эрэ ыстарда, бороһуогунан бүрүйдэ.
Оттон хахай дрессировщигын кытта олох да куустуһан сытар. Баабырдарга кыһаммат, доҕордоспут быһыылаах.
Уустук нүөмэринэн баабырдар уотунан умайа турар тимир ии иһинэн ойбуттара буолла. Тылгынан туох диэн ойуулуоҥуй, илэ кэлэн көрүөххэ наада. Онон Саха сирин көрөөччүлэрэ ыраата барбакка, аарыма адьырҕалары субу тутан олорон, көрөр кыахтаннылар.
Ангелина Васильева.
Ааптар хаартыскаларга түһэриилэрэ.
Тохсунньу 11 күнүгэр Арчы дьиэтигэр "Оһуокай" түмсүү тэрийиитинэн, Чурапчы улууһугар аналлаах оһуокай үрдүк таһымнаахтык ааста.…
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…