Аһыы салаат
Биһиэхэ наада:
– 2 киилэ моркуоп;
– 2 мутук петрушка;
– 3 аһыы биэрэс;
– 30 г чусунуок;
– 400 мл мас арыыта;
– 2 ч. нь. туус;
– 2 ост. нь. 70 %-наах уксуус;
Хайдах бэлэмниибит: моркуобу, аһыы биэрэһи бытархай гына бысталааҥ. Петрушканы бытарытыҥ. Миискэҕэ барытын холбооҥ уонна чусунуогу ыгыҥ. Онно арыыны, тууһу, уксууһу эбиҥ, үчүгэйдик булкуйуҥ. Стерилизацияламмыт бааҥкаларга кутан эрийиҥ.
Кэриэйдии моркуоп
Биһиэхэ наада:
– 3 киилэ моркуоп;
– 500 г эриэппэ луук;
– 100 г чусунуок;
– 200 г саахар;
– 2 ост. нь. туус;
– 100 мл мас арыыта;
– 100 мл 9 %-наах уксуус;
– 1 паачка кэриэйдии моркуоп тумата.
Хайдах бэлэмниибит: моркуобу теркалааҥ. Луугу уонну чусунуогу бытархай гына бысталааҥ. Барытын миискэҕэ холбооҥ, онно саахары, тууһу, арыыны, уксууһу, моркуоп туматын кутуҥ. Үчүгэйдик булкуйан баран холодильникка хоннорор ордук.
Сарсыҥҥы күнүгэр салаат уутун ыкпакка эрэ бааҥкаларга ыгыччы кутан, хаппахтарынан эрийиҥ.
Кыһыл салаат
Биһиэхэ наада:
– 600 г моркуоп;
– 100 мл мас арыыта;
– 50 мл уу;
– 500 г эриэппэ луук;
– 300 г кыһыл өҥнөөх болгарскай биэрэс;
– 250 г помидор;
– 1 ост. нь. саахар;
– ½ ост. нь. туус;
– 1 ч. нь. 9 %-наах уксуус.
Хайдах бэлэмниибит: моркуобу теркалааҥ уонна дириҥ түгэхтээх миискэҕэ арыы, уу кутан 20 мүнүүтэ кэриҥэ ыһаарылааҥ. Сотору-сотору булкуйаргытын умнумаҥ. Онно лууккутун бысталаан кутуҥ, өссө 20 мүнүүтэ уокка туруоруҥ. Салгыы биэрэскитин эбиҥ, эмиэ 20 мүнүүтэ кэтэһиҥ.
Помидору теркалаан, хаҕыттан араарыҥ. Онно саахары, тууһу, уксууһу кутан булкуйуҥ.
Табыллыбыт сүмэһини ыһаарылана турар аскытыгар кутуҥ, эбии 20 мүнүүтэ уокка туруора түһүҥ. Онтон сойбутун кэнниттэн бааҥкаларга кутуҥ.
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…