Волонтердар тиксэрдилэр
Саха сирин волонтердарын уонна уопсастыбанньыктарын икки бөлөҕө Москва куорат доруобуйа харыстабылын департаменыгар киирсэр мэдиссиинэ тэрилтэлэригэр эмтэнэ сытар бааһырбыт байыастары кытта көрүстүлэр.
Сэрии бэтэрээннэрин 2 №-дээх госпиталыгар ДНР-га өрөспүүбүлүкэ тирэх пуунун волонтера, Аҕа дойду буойуннарын дьиэ кэргэттэрин кэмитиэтин бэрэстэбиитэлэ Марина Бахилина, артыыс уонна продюсер, “Сахафильм” киинэ хампаанньатын салайааччыта Алексей Егоров сырыттылар. Иккиэн буолаары турар РФ Бэрэсидьиэнин быыбарыгар Владимир Путин итэҕэллээх дьонунан буолбуттара. Кинилэри кытта АГАТУ технология уонна салайыы кэллиэһин преподавателэ Мирослав Тарскай сырытта.
Бойобуой дьайыылар кыттыылаахтара, Афганистан сэриитин бэтэрээнэ, “Афганистан бэтэрээннэрин Арассыыйатааҕы сойууһун” Саха сиринээҕи салаатын салайааччыта, Владимир Путин итэҕэллээх киһитэ Валерий Лютай Сэрии бэтэрээннэрин 3 №-дээх госпиталыгар сырытта. Кинини кытта АГАТУ устудьуоннара Петр Нартахов уонна Алина Иванова сырыттылар. Бу килииникэҕэ байыаннай дьайыы кыттыылаахтарыгар мэдиссиинэ көмөтүн оҥорор амбулатория киинэ үлэлиир.
Саха сирин волонтердара 280 киилэ гуманитарнай көмөнү тиэртилэр. Ол курдук, эти, балыгы, көтөр этин, бастакы уочарат наадалаах туттар тэриллэри. Волонтердар Марина Бахилиналыын өрөспүүбүлүкэ Бастайаанннай бэрэстэбиитэлистибэтин остолобуойугар байыастарга аһы бэлэмнээтилэр. Дойдуларын аһа байыастар туруктара тупсарыгар көмөлөһүөҕэ диэн волонтердар эрэнэллэр.
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…