Москваттан сылдьар икки киһи Саха сирин олохтоохторун албыннаан харчыларын суйдаабыттар. Ол курдук, уопсайа 18 түөкүннүүр дьайыыны оҥорбуттар.
Түөкүннээн уопсайа 35 мөлүйүөн солкуобайы Саха сирин дьонуттан сиэбиттэр. СӨ борокуратуурата бу холуобунай дьыалаҕа буруйдуур түмүгү оҥорбут. Бу икки киһи Арассыыйа Федерациятын холуобунай кодексатын 159 ыстатыйа 4 чааһынан (бөлөҕү тэринэн түөкүннээһин уонна улахан хоромньуну оҥоруу) диэнинэн дьыала Саха сирин Дьокуускайдааҕы суутугар ыытыллыбыт.
2020 сыллаахха дьонтон харчы суйдуур соруктаах бөлөх тэриллибит. Бу бөлөххө дьону угаайыларыгар киллэрэллэригэр анаан «колл-киин оператордара», «куратордара», «хомуйааччылар» уонна «харчыны банкоматтан устааччылар» диэн ким тугу гыныахтааҕынан үлэлэрин үллэстибиттэр. Бу бөрөстүүпүнэй бөлөх чилиэттэрэ дьоҥҥо төлөпүөннээн улахан үп тэрилтэтин менеджердэрэбит дэнэллэр эбит. Кинилэр дьоҥҥо түргэнник харчылаһарга көмөлөһөбүт диэн тылларыгар киллэрэллэр эбит.
Саха сирин олохтоохторо итэҕэйимтиэлэринэн туһанан бу бөлөх уопсайа 35 мөлүйүөн солкуобайы сиэбит. Бөлөх атын чилиэттэригэр силиэстийэ салгыы барарын туһунан СӨ борокуратууратын пресс-сулууспата иһитиннэрэр.
Ил Дархан Айсен Николаев "Россия24" ханаалга "Быһа кэпсэтии" биэриигэ тохсунньу 22 күнүгэр Амма улууһугар барарын…
Арассыыйа Бэрэсидьиэнэ Владимир Путин ыйааҕынан тэриллибит «Беспилотнай авиационнай системалар» национальнай бырайыак чэрчитинэн, 2025 сылга ойуур…
Бүгүн, тохсунньу 20 күнүгэр, Дьокуускайга баар "Россия -- моя история" устуоруйа пааркатын таһыгар 16 саастаах…
Тохсунньу 18 күнүгэр Күҥҥэ X1.95 кылаастаах улахан эстии буолбута. Ол протоннара Сиргэ тиийэн кэлэн, бүгүн…
Олунньуттан Саха сиригэр бырабыыталыстыба отчуота саҕаланыаҕа. Отчуоттар үгэс быһыытынан, сирэй көрсөн ыытыллыахтара диэн «Быһа кэпсэтии»…
"Онкодесант" бырайыак чэрчитинэн, 2025 сылга өрөспүүбүлүкэҕэ 1500 киһи доруобуйатын туругун бэрэбиэркэлэммитин туһунан доруобуйа харыстабылын министиэристибэтэ…