Москва метротугар «Дальневосточный экспресс» диэн пуойас баар буолла

Москва метротун лииньийэтигэр «Дальневосточный экспресс» диэн алтыс пуойас баар буолла. Бу пуойас сыл аҥаарын устата Арбатско-Покровскай лииньийэнэн айанныаҕа. Пуойас үлэтин РФ Бырабыыталыстыбатын бэрэссэдээтэлин солбуйааччы – Уһук Илин Федеральнай уокурукка РФ бэрэсидьиэнин боломуочуйалаах бэрэстэбиитэлэ Юрий Трутнев саҕаламмытынан аахта.

«Дойдубут киин куоратыгар «Дальневосточный экспресс» диэн пуойас үлэтин арыйыы үгэс буолла. Биһиги Москва олохтоохторугар Уһук Илин айылҕатын, тэрилтэлэрин, олоҕун-дьаһаҕын туһунан кэпсиэхпитин баҕарабыт. Билигин биһиги уокурукпутугар болҕомто ууруллар, тимир суолу элбэтиэххэ, саҥа тоннеллэри тутуохха наада. Уһук Илиҥҥэ үлэ миэстэтэ элбээн иһэр», — диэн Юрий Трутнев бэлиэтээн эттэ.