Москва музыканнарын кытта Ан-2 сөмөлүөт тыаҕа түспүт
24.08.2024, 16:30
Хаартыска: социальнай ситимнэртэн
Бөлөххө киир:
Бу сарсыарда Ан-2 сөмөлүөт Уус Маайа улууһун Солнечнай бөһүөлэгиттэн Уус- Маайа – Дьокуускай маршрутунан көтөн иһэн биэс килэмиэтирдээх сиргэ тэйиччи түһэргэ күһэллибит.
Саха сиринээҕи ЫБМ пресс-сулууспатыгар иһитиннэрбиттэринэн, барыллаан төрүөтүнэн сөмөлүөт мотуора аккаастаабыт. Сөмөлүөккэ 11 киһи, ол иһигэр аҕыс пассажир көтөн испит — Москваттан «Монако джем» кавер- бөлөҕүн артыыстара («Голос» биэрии кыттыылаахтара). Пассажирдары барыларын эвакуациялаабыттар. Өлбүт, эмсэҕэлээбит киһи суох. Саха сиринээҕи тыраныспар борокуратуурата Ан-2 сөмөлүөт түһэргэ күһэллибит чахчынан бэрэбиэркэ ыытыаҕа.
Транспорка силиэстийэлиир отдела салгын тырааныспарыгар куттал суох буолуутун быраабылатын кэһии уонна туһаныы иһин буруй бэлиэлэринэн силиэстийэлиир бэрэбиэркэ ыытыаҕа.
Сообщить об опечатке
Текст, который будет отправлен нашим редакторам: