Москваҕа Биллибэт саллаат уҥуоҕар сүгүрүйдүлэр

 Федерация Сэбиэтигэр Саха сирин күннэрин иитинэн,  өрөспүүбүлүкэ дэлэгээссийэтэ Москваҕа Александровскай саадка  Аҕа дойду уоттаах сэриитин толоонугар охтубут Биллибэт саллаат уҥуоҕар венок уурдулар.

Ол курдук, Ил Дархан Айсен Николаев дьоруойдарбытын куруук өйдүү-саныы сылдьыахпыт, өрүү сүгүрүйүөхпүт, кинилэр ааттара устуоруйаҕа кыһыл көмүс буукубаларынан сурулла сылдьаллар диэтэ.

—  Билигин хаһааҥҥытааҕар даҕаны кинилэр тустарынан өйдөбүлү харыстыыр, көлүөнэттэн көлүөнэҕэ тиэрдии күүһүрэн турар.  Эн аатыҥ биллибэт, ол гынан баран, эн хорсун быһыыҥ хаһан да умнуллубат, — диэн Айсен Николаев телеграмҥа ханаалыгар суруйда.

Санатан эттэххэ, быйылгы күннэр  Саха АССР тэриллибитэ 100  сылыгар ананаллар.