Видео уонна хаартыска -- Семен Сивцев-Өймөкөөн Сэмэнэ тиксэриитэ.
Бэҕэһээ, ахсынньы 1 күнүгэр, Дьокуускай куоракка Доҕордоһуу болуоссатыгар турар Саха сирин сүрүн Харыйата Саҥа дьыллааҕы күөх харыйалары дойду бары эрэгийиэннэригэр күлүмүрдүү сандаарта.
Бу иннинэ Тымныы полюһугар Өймөкөөҥҥө Олоҥхо Ыһыаҕа буолбут «Көмүс күрүөҕэ» турар Аал Луук Мас иннигэр Чысхаан бар дьонугар туһаайан баҕа санаатын эппитэ.
Видео — Аксинья Сивцева тиксэриитэ.
Ол кэннэ бэйэтин Резиденциятыттан Эбэ Хайаттан Тымныы хурустаал символын ылан, Саха сирин киин куоратынан Дьокуускайынан дойду тэбэр сүрэҕэр Москвалаабыта. Ахсынньы 1 күнүгэр Дойду тэбэр сүрэҕэр тиийэн, ВДНХ-ҕа үөрүүлээх быһыыга-майгыга Великай Устюгтан кэлбит Тымныы оҕонньорго Чысхаан Тымныы символын туттарыыта буолла.
Видео — Семен Сивцев -Өймөкөөн Сэмэнэ тиксэриитэ.
Арассыыйа Тымныы оҕонньоро уонна Тымныы полюһун Өймөкөөн Чысхаана дойду сүрүн Харыйатын күлүмүрдэтэ сандаардыбыттарын кэннэ, эрэгийиэннэр Тымныы оҕонньотторун билиһиннэрдилэр.
Өймөкөөн улууһун култуура уонна туризм управлениетын Чысхаан брендин сайыннарыыга исписэлииһэ Семен Сивцев-Өймөкөөн Сэмэнэ Москваҕа ВДНХ-ҕа ыытыллыбыт Саҥа дьыллааҕы дойду сүрүн Харыйатын күлүмүрдэтэ сандаардыы туһунан санаатын бу курдук тиэртэ:
— Бэҕэһээ, ахсынньы 1 күнүгэр, олус үрдүк таһымнаах тэрээһин буолан ааста. Маныаха Саха сирэ баһылыыр-көһүлүүр оруоллааҕа, Тымныы хаһаайына Чысхаан инники кэккэҕэ сылдьара, дойдулаах киһиэхэ киэн туттууну саҕар.
Дойду киинин бары телеханааллара кэлэн, Чысхаантан интервью ылаары уочараттаатылар.
Бу устуулар бары ханаалларынан Саҥа дьыл саҕана көстүөхтэрэ.
Арассыыйа 17 эрэгийиэнин Тымныы оҕонньотторун ааттарын ааттаан таһаарбыттара — сонун көстүү. Чысхаан Өймөкөөн Томторугар «Тымныы полюһа — Өймөкөөн» кыһыҥҥы туризм бэстибээлигэр ыалдьыттаабыт кэккэ эрэгийиэн Тымныы оҕонньотторун көрүстэ. Бэйэлэрин дойдуларын «оҕонньотторун» брендин эмиэ мин курдук сайыннара сылдьар доҕотторбун кытта олох аймахтыы курдук олус истиҥник көрүстүбүт. Түгэнинэн туһанан, СӨ Урбаан министиэристибэтин үлэһиттэригэр махталбын тиэрдиэм этэ. Сөмөлүөттэн түһээтин кытта, Чысхааны илиилэрин үрдүгэр илдьэ сырыттылар. Дьон тоҕуоруһа мустубут бырааһынньыга Чысхааҥҥа уонна кини доҕотторугар умнуллубат өйдөбүлү хаалларда.
Аҕыйах хонукка Чысхаан Москваҕа сылдьар кэмигэр тымныы Саха сиригэр мөлтөөн ылан, былыттаах ичигэс күннэр тураллар. Сарсыҥҥыттан Чысхаан дойдутугар үктэнээтин кытта, тымныытынан сирэйбитин эмиэ хаарыйан барыаҕа…
Оттон Саха сирэ дойдуга кыһыны аҕалар суолталаах бырааһынньыга улуустарга уонна киин куоракка Саҥа дьыллааҕы тыыны аҕалла.
Видео — аһаҕас социальнай ситимнэртэн.
Оттон Дьокуускай куоракка бырааһынньыктыы киэргэммит автоколуонна дьон болҕомтотун тарта.
Видео — аһаҕас социальнай ситимнэртэн.
Биллэн турар, бу бэртээхэй Саҥа дьыл тыынын биэрэр бырааһынньыгы араас төрүөтүнэн киһи барыта көрөр кыаҕа суох. «Кэлэр сылтан киин куоракка уокуруктарга анал экраннары туруоран, онно бу бырааһынньыгы көрдөрөллөрө буоллар» диэн социальнай ситимнэргэ дьон оруннаах этиини киллэрдилэр. Онон бу дьоҥҥо сөбүлэммит «Кыһын Саха сириттээн саҕаланар» кыһыҥҥы туризм бэстибээлэ эһиилгиттэн куорат киин сирдэринэн экраҥҥа сырдатылларыгар эрэнэбит.
Саха эрэ ыһыахтаах. Ыһыах түҥ былыргыттан тардыылаах. Ол сиэрэ-туома түҥ былыргыттан тыыннаах биһиэхэ тиийэн кэлбитэ…
Кэпсэтии баҕар итинник ээл-дээл барыаҕа, дьиҥнээх эйэлэһии Зеленскэйдээх кыайтардахтарына биирдэ буолууһу…
Владлена Семеновна балыыһаҕа сыппыта хаһыс да күнэ. Кини бэйэтин иһигэр төһө да сэнэхтик сананнар, бу…
— Малы-салы кирилиэс эҥин анныгар уурар көҥүллэнэр дуо? Стручковтар. “Объясняем.РФ” саайт маннык сүбэни биэрбит: — Дьон бэйэлэрин…
Самаан сайыммытыгар этэҥҥэ үктэннибит. Уоппуска, кэлии-барыы кэмэ, ол эрээри аспыт-үөлбүт сыаната хайдаҕый? Сыана сайыҥҥы туругун…
Сабантуй федеральнай бырааһынньык тиэмэтин салҕаан, бүгүн олус табыгастаах, ураты минньигэс амтаннаах, "розочка" быһыылаах татаардыы хобуорас…