Сэтинньи 19 күнүттэн Москваҕа П.И.Чайковскай аатынан консерваторияҕа эдэр пианистарга норуоттар икки ардыларынааҕы II куонкурус саҕаланна. Куонкуруһу арыйыы долгутуулаах, үөрүүлээх түгэнэ Н.Я.Мясковскай аатынан саалаҕа буолла.
Саалаҕа мустубут ыалдьыттары Москватааҕы консерватория ректора, РФ ускуустубатын үтүөлээх диэйэтэлэ, искусствоведение доктора, профессор Александр Сергеевич Соколов эҕэрдэлээтэ.
Уһулуччулаах фольклорист, учуонай М.Н.Жирков аатынан куонкурус РФ култууратын министиэристибэтинэн, СӨ култууратын уонна духуобунай сайдыытын министиэристибэтинэн, Бүлүү улууһун дьаһалтатынан, ону сэргэ, Москва консерваториятын уонна В.А.Босиков аатынан музыка үрдүкү оскуолатын, уо.д.а. тэрилтэлэри, организациялары киллэрэн туран тэриллибитэ.
«АЛРОСА» АХ, «РОСКОСМОС» ГК, «ЯТЭК» ПАУо, «Якутгазпроект»ХЭУо уо.д.а. спонсордаан норуоттар икки ардыларынааҕы далааһыннаах тэрээһини тэрийэргэ дьоһун кылааттарын киллэрбиттэрэ.
Улахан болҕомто МГК фортепианоҕа факультетын дэкээнэ, РФ үтүөлээх артыыһа, профессор Андрей Александрович Писарев бэрэссэдээтэллээх дьүүллүүр сүбэҕэ ууруллар. Бу дьүүллүүр сүбэ үс күн ыытыллар күөн күрэс түмүгүнэн кыайыылаахтары быһаарар.
Москва консерваториятын ректора Александр Соколов эҕэрдэлииригэр бу куонкурус ыытылларыттан олус үөрэрин, Саха сирин уонна Бүлүү улууһун кытары үтүө үгэс салҕанарын бэлиэтиир.
«Жирков аатынан куонкурус биһигини түмэр уонна бииргэ үлэлиирбитигэр ыҥырар, угуйар, — диир кини. — Бу куонкуруска кыайтарбыт диэн суох, хас биирдии кыттааччы бэйэтин көрдөрөр кыахтанар уонна олус туһалаах, наадалаах уопуту ылар».
Күөн күрэс тэрийэр кэмитиэтигэр 45 сайаапка киирбит. Олор сааһынан үс бөлөххө араарыллыбыттар: 7-14 саастаахтар бөлөхтөрө, 15-18 саастаахтар уонна 19 саастарыттан үөһээ диэн.
Сэтинньи 8-19 күннэригэр ыытыллыбыт бастакы түһүмэх түмүгүнэн, 36 кыттааччы быһаарыллыбыт, иккис түһүмэххэ киллэриллибит. Кыттааччылар ортолоругар Москваттан, Дьокуускайтан, Екатеринбуртан, Казаньтан, ону таһынан Кытайтан, Японияттан, Ливантан, Великобританияттан бааллар.
М.Н.Жирков аатынан куонкурус эдэр музыканнарга суолталаах сүдү тэрээһининэн буолар, бу кинилэр сайдалларыгар улаханнык көмөлөһөр, кыаҕы биэрэр. Күөн күрэс хас ыытылыннаҕын ахсын күрэстэһээччи ахсаана элбиирин таһынан, толоруу хаачыстыбата үрдээн иһэр. Бу ураты эйгэни үөскэтэр, манна эдэр пианист бэйэтин дьоҕурун, талаанын көрдөрөрүн таһынан, музыка култууратыгар саҥа саҕахтар арыллаллар.
Куонкуруска кыттааччыларга эрэли кытары ситиһиилэри баҕарабыт!
vk.com/vilulus
t.me/bylyy_uluuha
Бүлүү улууһа
Хаартыскалар: t.me/bylyy_uluuha ханаалтан
Сэтинньи 25-26 күннэригэр саха тылын, литэрэтиирэтин, култууратын учууталларын өрөспүүбүлүкэтээҕи III сийиэһэ ыытыллаары турар. Сийиэскэ сүүрбэччэ…
Саха сирин уустара Москваҕа ыытыллыбыт «Клинок – үгэс уонна аныгы кэм» норуоттар икки ардыларынааҕы быыстапка…
Дьокуускайга ыытыллар Дмитрий Коркин аатынан норуоттар икки ардыларынааҕы күрэхтэһиигэ Беларусь сүүмэрдэммит хамаандатын састаабыгар эр дьоҥҥо…
Алдан улууһун борокуратуурата сокуону кэһэн азартнай оонньуулары тэрийиигэ уонна ыытыыга буруйданар улуус икки олохтооҕун утары…
Дьокуускай куорат дьаһалтатыгар "Кыһын Саха сириттэн саҕаланар" өрөспүүбүлүкэтээҕи бэстибээл тэрийэр хамыыһыйатын мунньаҕа буолла. Мунньаҕы куорат…
Муома улууһун Кустуур сэлиэнньэтигэр сэтинньи 6 күнүгэр И.Н. Слепцов аатынан агро-оскуола «Уйа» бырайыагын чэрчитинэн тутуллубут…