Москваҕа Өймөкөөн макетын оҥороллор…

Арассыыйа миниатюраларын түмэлигэр «Тымныы полюһа» диэн биллэр Өймөкөөн сэлиэнньэтин макетын оҥорор үлэни түмүктээн эрэллэр.

1:87 масштаабтаах миниатюра дойду интерактивнай макетыгар Өлүөнэ турук хайаларын  көрдөрүөҕэ.

Декоратордар Өймөкөөн  көстүүтүн оҥороллор: сирин-уотун искусственнай хаарынан бүрүйэллэр, пластик дьиэлэр кырыыһаларыгар муус эбэллэр, олохтоохтору туруортаан биэрэллэр. Дьиэлэргэ туруоруллубут светодиодтар ураты көстүүнү киллэриэхтэрэ: түмэлгэ киэһэни үтүктэр кэмҥэ, кинилэр умайан тахсыахтара. Ыалдьыттар Өймөкөөнү 2026 сыл саҕаланыытыгар көрөр кыахтаныахтара.