Евразиятааҕы экэниэмикэ форумун пресс-сулууспата
Ыам ыйын 24-25 күннэригэр дойдубут тэбэр сүрэҕэр Москваҕа Евразиятааҕы экэниэмикэ иккис форума ыытыллыаҕа. Тэрээһиҥҥэ барыта икки аҥаар тыһыынчаттан тахса киһи кыттара былааннанар. РФ бэрэсидьиэнэ Владимир Путин форумҥа уонна Евразиятааҕы экэниэмикэ үрдүкү сэбиэтин мунньаҕар кыттыыны ылыаҕа.
Санатан эттэххэ, Евразиятааҕы экэниэмикэ сойууһун сүрүн чилиэннэринэн Арассыыйа, Белоруссия, Казахстан, Кыргызстан уонна Армения буолаллар. Бу форумҥа биэс дойду дэлэгээссийэлэрин таһынан Кытай, Соҕуруу Африка Өрөспүүбүлүкэтин, Узбекистан, Никарагуа, Венесуэла, Индонезия, о.д.а. дойдулар бэрэстэбиитэллэрэ кэлэн кыттыахтара. Үгэс быһыытынан, Холбоһуктаах Нациялар Түмсүүлэрин, Шанхайдааҕы бииргэ үлэлэһии түмсүүтүн, Доруобуйа харыстабылын аан дойдутааҕы түмсүүтүн, Миграция норуоттар икки ардыларынааҕы түмсүүтүн уо.д.а. аан дойдутааҕы түмсүүлэр экспертэрэ кыттыахтара.
Форум чэрчитинэн сэттэ хайысханан 35 сессиянан үлэ барыаҕа. Кэпсэтиигэ биир сүрүн миэстэни дойдулар икки ардыларыгар үлэлэһии ылыаҕа. Дойдулар экэниэмикэлэрин хардарыта сайыннарыыга, атыыны-тутууну судургутууга дуогабардар түһэрсиллиэхтэрэ, 2030, 2045 сылларга диэри былаан торумнаныаҕа.
Көрсүһүүлэргэ экэниэмикэҕэ саҥа сүүрээни киллэрии, технологияны сайыннарыы, айылҕаны харыстааһын, үөрэх боппуруостара көрүллүөхтэрэ. Ону таһынан ыччакка аналлаах былаһаакка үлэлиэҕэ. Атыыга-тутууга сыһыаран эттэххэ, билигин дьон-сэргэ ортотугар киэҥ биһирэбили ылбыт “Wildberries” уонна “Ozon” салайааччылара туспа былаһаакка тэрийиэхтэрэ.
Бу күннэргэ социальнай ситимнэринэн Өлүөнэ кытылын үрдүгэр, Дьоруойдар аллеяларыгар сэрии кэминээҕи таҥастаах эдэркээн кыргыттар, уолаттар…
Бүгүн, ыам ыйын 9 күнүгэр, Аҕа дойду Улуу сэриитигэр Кыайыы 80 сылынан “Өлбөт үйэлээх полк”…
Москваҕа буолар Улуу Кыайыы 80 сыллаах үбүлүөйдээх параадыгар саха уола кыттарын туһунан үтүө сураҕы бүгүн…
Бүгүн, ыам ыйын 9 күнүгэр, Дьокуускайга Кыайыы болуоссатыгар "Кыайыыны аҕалбыт буойуннар" монумеҥҥа сибэкки дьөрбөтүн ууруу…
Саха сиригэр ойуур баһаардарын умуруорууга 154 исписэлиис үлэлиир диэн суһал ыстаап иһитиннэрэр. Суукка иһигэр барыта…
Улуу Кыайыы үбүлүөйдээх 80 сылын көрсө Марха бөһүөлэгэр 101 саастаах Аҕа дойду Улуу сэриитин кыттыылааҕа…