Хаартыскалар Светлана Диодорова тиксэриилэрэ
Бүгүн сарсыарда Москва туһаайыытынан госпиталларга сытар биир дойдулаахтарбытыгар уочараттаах көмө көттө.
Бу күннэргэ Светлана Диодорова-Лаврентьева социальнай ситим нөҥүө таһаарбыт биллэриитин көрөн, үтүө санаалаах дьон тута инвалиднай кэлээскэлэри тиксэрбиттэрэ. Онон бүгүн суһаллык Москваҕа алта инвалиднай кэлээскэни ыыттылар.
«Бу барыта – норуот көмөтө. Статус суруйбуппун көрөн, дьон тута утары тахсыбыттара. Итиччэлээх улахан дьааһыктаах, биирдиитэ 20-лии киилэлээх кэлээскэлэри ыытар уустук. Хата, илдьэргэ сөбүлэспит, «Кэскил» издательскай киин дириэктэригэр Ольга Семеноваҕа барҕа махталбын тиэрдэбин! Итини ааһан Ольга Ивановна икки чымыдааны тобус-толору армейскай душтары, харысхаллары илдьэ барда. Маннык өйдүүр, өйүүр дьон баара – дьол!», — диэн Светлана Диодорова-Лаврентьева кэпсиир.
Оттон маны барытын сүгэр-көтөҕөр, тиэйэр киһинэн волонтер Дьулусхан Павлов буолар. Дьулусхан көмө наада диэтилэр даҕаны улгумнук сөбүлэһэн, ис санаатыттан көмөлөһөр.
«Кинитэ суох хайдах даҕаны кыаллыбат, маннык үтүө санаалаах оҕолорго махтанабыт. Аны буор босхо илдьэр «Якутия» авиахампаанньаҕа, грузовой массыынанан хааччыйар Бырабыыталыстыба автопааркатыгар, өйүүр-өйдүүр, көмөлөһөр, спонсордыыр дьоммутугар махталбытын тиэрдэбит», — диэн Светлана Диодорова-Лаврентьева махтанар.
От ыйа түмүктэнэр бүтэһик күннэрэ тураллар -- бэтинсэттэн атырдьах ыйыгар үктэнэбит. Атырдьах ыйын өбүгэ саҕаттан…
От ыйын 26-27 күннэригэр Кош-Агач оройуонун Горно-Алтайскай куоратыгар Куйактанар сиргэ СӨ норуотун маастара Иван Павлов…
Аллайыаха улууһугар уу кытыытыгар быраҕыллыбыт эргэ илимҥэ дьиэ хараҥаччыта хам ылларан, мүччү-хаччы мэҥэстэн сытар этэ.…
Саха сирин хамаандата дрон күрэҕэр Уһук Илин уокуру күрэхтэһиитигэр уонна чөмпүйэнээтигэр ситиһиилээхтик кыттан, 40 баар…
Суһал иһитиннэриинэн ИДьМ сулууспатын Ленскэй улууһун отделын холуобунай ирдэбилин үлэһиттэрэ 17 саастаах олохтооҕу «Toyota Land…
Кэмпэндээйигэ "Сир уустара" төгүрүк сыл үлэлиир киин оҕолору араас хайысханан сайыннарар. Бу сайын Саха сирин…