Москваҕа гражданскай авиация кэскилин түстүүр быыстапка ыытыллыаҕа

Олунньу 4–5 күннэригэр Москваҕа «Крокус Экспо» кииҥҥэ   — гражданскай авиация устуоруйатыгар аан бастаан аэропорт уонна аэродром инфраструктуратын НАИС-2026: Национальнай авиационнай инфраструктурнай салон быыстапката ыытыллыаҕа. 

НАИС үгэс быһыытынан авиация салаатыгар авиация тэрилтэлэрин бэрэстэбиитэллэрин, федеральнай уонна эрэгийиэннээҕи бырабыыталыстыба уорганнарын, научнай-чинчийэр институттары уонна үрдүк технологиянан үлэлиир оҥорон таһаарааччылары  түмүөҕэ.

Авиабыыстапка «Эффективнай транспортнай систиэмэ» национальнай бырайыак  соруктарын тутуһан ыытыллар. 2026 сылга НАИС уонна  ДРОНТЕХ  быыстапкаларга Арассыыйаттан, Белоруссияттан уонна Кытайтан 200-тэн тахса хампаанньа кыттыаҕа. 10 000-тан тахса идэтийбит ыалдьыт кэлэрэ күүтүллэр.

Национальнай бырайыагынан 2019 сылтан 30-тан тахса аэропорт саҥардылынна. Ордук болҕомто Сибиир уонна Уһук Илин эрэгийиэннэригэр уурулунна. Саҥардыы мөлүйүөнтэн тахсар нэһилиэнньэлээх куораттарга уонна сир баайын хостуур бырамыысаланнас кииннэригэр ыытыллыбыта.  Бу үлэ 2025 сылтан саҕалаан «Көдьүүстээх  транспортнай систиэмэ» национальнай бырайыак чэрчитинэн  барбыта уонна 2030 сылга диэри  салҕанан  75 аэропорт саҥардыллыаҕа.

Сиһилии: https://www.sakha.gov.ru/news/19678 сигэнэн ааҕыҥ.