Хаартыска: ааптар тиксэриитэ
Кулун тутар 5-6 күннэригэр Москваҕа 2014 сылтан ыытыллар норуоттар икки ардыларынааҕы Москубатааҕы Үөрэх солуона ыытылынна. Үөрэхтээһин бу сүрүн пуорумугар Арассыыйаттан барытыттан (Владивостоктан Калининградка тиийэ) үөрэх эйгэтин сүрүннүүр исписэлиистэрэ – уһуйаан иитиллээччилэрэ, уопсай үөрэхтээһин оскуолаларын учууталлара, техникумнар уонна университеттар преподавателлара уопут атастаһаллар уонна бэйэлэрин саҥа ньымаларын уонна аныгы технологиялары билиһиннэрэллэр.
СӨ инклюзивнай үөрэхтээһиҥҥэ сүрүннүүр сэбиэтин бэрэссэдээтэлин солбуйааччы Пантелеймон Егоров:
— Мин 2014 сылтан ММСО үлэтигэр инклюзивнай үөрэхтээһин тэрээһиннэригэр дьыалабыай бырагыраамалар испиикэрдэрин быһыытынан кыттар дьоллоохпун”, — диэн кэпсиир. — ММСО-2025 киэҥ хабааннаах быыстапкатыгар бырамыысыланнас уонна норуот хаһаайыстыбатын, дьоҕус уонна орто биисинэс үгүс салааларыгар оҥорон таһаарааччылар ситиһиилэрин көрдөрдүлэр.
Мин кулун тутар 6 күнүгэр “Доверие” саалаҕа «Институциональные предпосылки развития инклюзивного образования: опыт Якутии» дакылаатынан кытынным. Дакылааппар Саха сиригэр инклюзивнай үөрэхтээһин институциональнай төрүттэрин, харахтарынан көрбөт үөрэнээччилэргэ уонна устудьуоннарга 1991 сылтан туттуллар терминологическай глоссарийы, адаптивнай компьютернай технологиялары билиһиннэрдим.
Адаптивнай компьютернай технологиялар – үөрэххэ ураты ирдэбиллээх (ООП) үөрэнээччилэргэ аналлаах анал көмпүүтэр технологиялара.
Көрөллөрүгэр кыһалҕаны көрсөр үөрэнээччилэри уонна устудьуоннары үөрэтэргэ инклюзивнай үөрэхтээһини сайыннарыы аныгы түһүмэҕэр мин, педагог уонна учуонай быһыытынан, Луи Брайл суругун систиэмэтин уонна адаптивнай көмпүүтэр технологияларын ордук дьоһуннаахтарынан ааҕабын.
Сиһилии билсиэн баҕалаахтар бу сигэҕэ киириэххитин сөп:
https://cloud.mail.ru/public/SMBm/NCXhcjH2a
Саха сирин синоптиктарын сабаҕалааһынынан, бүгүн, ахсынньы 8 күнүгэр, өрөспүүбүлүкэ үгүс өттүгэр хаардыыр. Бу туһунан Саха…
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…