Саха сирэ Москваҕа Кыайыы музейыгар аахсыйа-кэнсиэри оҥоруоҕа.
Кыайыы музейыгар, ахсынньы 7 күнүгэр, бэлиэ күҥҥэ — Аҕа дойду Геройдарын күнүгэр сөп түбэһиннэрэн, «Бары кэм геройдарыгар сүгүрүйэн» диэн аахсыйа ыытыллар. Бу Саха АССР 100 сылыгар анаммыт тэрээһиннэр чэрчилэринэн, Москваҕа Саха сирин күннэрин иитинэн буолар.
«Саха сирин биллэр-көстөр, ааттаах-суоллаах артыыстара, кэлэктииптэрэ кыттыылаах ураты тэрээһинин бэлэмниибит. Арассыыйа сүрүн байыаннай-историческай музейыгар — Кыайыы түмэлигэр кыттыы биһиэхэ улахан чиэс. Култуура уонна уопсастыба быстыспат ситимнээҕинэн, элбэх омуктаах Арассыыйаны холбуур уонна биһиги байыастарбытыгар тирэх буолар диэн этэбит», — дииллэр тэрийээччилэр.
Аахсыйаҕа Ил Дархан Айсен Николаев кыттыыны ылар. Бырагыраамаҕа анал байыаннай эпэрээссийэ кыттыылаахтарыгар наҕараадалары туттарыахтара, ону сэргэ «Лица Победы» история бырайыагар хаартыскалар бэриллэллэр.
Аахсыйа литературнай-музыкальнай бырагырааманан түмүктэнэр. СӨ Опера уонна балет тыйаатырын артыыстара, Олоҥхо тыйаатыра, Symphonica ARTica симфоническай орекстр, «Виртуозы Якутии» ансаамбыл, ускуустуба уонна култуура Арктикатааҕы институтун, Щепкин аатынан театральнай училищеҕа Саха сириттэн үөрэнэр устудьуоннар, уо.д.а. кытталлар. Алгыс, оһуокай дьону-сэргэни түмэ тардыа.
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…
Амма улууһун ИДьМ отделениетын үлэһиттэрэ үгэс быһыытынан «Полицейский Дед Мороз» диэн Бүтүн Арассыыйатааҕы аахсыйаҕа кыттыстылар.…
Үөһээ Бүлүү улууһугар 2025 сылга байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥоруу бүттүүн…
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…