Хаартыска: www.sakha.gov.ru
Тэрээһиҥҥэ Уһук Илини уонна Арктиканы сайыннарар министиэристибэ баһылыга Алексей Чекунков кытынна.
Көрсүһүү кэмигэр выпускниктар соруктарын, ону тэҥэ, эрэгийиэннэр кыһалҕаларын быһаарар көҕүлээһиннэри ырыттылар. Итини сэргэ үлэҕэ киирии уонна бырагырааманы тупсарыыга этиилэр боппуруостарын көрдүлэр. Икки аҥаар сыл устата бырагырааманы 96 эдэр киһи бүтэрдэ. Улахан аҥаардара Уһук Илиҥҥэ атын эрэгийиэннэртэн көспүттэр итиэннэ эрэгийиэннээҕи былаас уорганнарыгар үлэлииллэр (41 киһи), муниципалитекка (4 киһи), үрдүк үөрэххэ (12 киһи), федеральнай структураларга (6 киһи). Атын бүтэрээччилэр эрэгийиэннэр каадровай эрэсиэрбэлэригэр киирбиттэр, үлэҕэ аныылларын кэтэһэллэр.
Выпускниктар экэниэмикэни, куорат инфраструктуратын, тутууну уонна оҥорон таһаарыыны, социальнай эйгэни, үөрэҕи уонна туризмы сайыннарыынан дьарыктаналлар. “Бырагыраама иитинэн биһиги Уһук Илин уокурук эрэгийиэннэрин уонна салааларын кыһалҕаларыгар, ону ырытыыга ылсыбыппыт. Бу тугунан да кэмнэммэт уопут” – диэн Саха сирин Бырабыыталыстыбатын бастакы вице-премьерин сэкирэтэрийээтин салайааччыта Антон Артемьев санаатын үллэстэр.
“Кэпсэтии аһаҕастык уонна кырдьыктаахтык барда. Судаарыстыбаннай сулууспа – бу бэйэтэ табыллан, сатанан хаалар суол буолбатах. Номнуо биһиги министиэристибэбитин уонна Уһук Илини сайыннарар корпорацияны кытта көхтөөхтүк үлэлэһэр бүтэрээччилэр күүстээх холбоһуктара таҥыллыбыта суолталаах” – диэн Алексей Чекунков бэлиэтээтэ.
Ил Дархан уонна Бырабыыталыстыба пресс-сулууспата.
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…
Кэнники кэмҥэ оҕо аахпат буолбутун бары билинэбит. Аахпат оҕо билиитэ-көрүүтэ татым, суруйарыгар да сыыһалардаах буолар.…
Ил Дархан Айсен Николаев “Саха сирин тимир суоллара” хампаанньа 2025 сыллааҕы үбүн-хаһаайыстыбаннай үлэтин барыллаан түмүктэрин…
Ааспыт суукка иһигэр Дьокуускай куоракка биэс суол быһылаана таҕыста. Бу туһунан ГАИ пресс-сулууспата иһитиннэрэр. Туманнаах,…
РФ Бэрэсидьиэнин наҕараадалааһын туһунан дьаһала Үлэҕэ ситиһиилэрин уонна уһун сыллаах үлэлэрин иһин РФ Бэрэсидьиэнин Махтала…