Москваҕа «Народное электро» тэрээһиҥҥэ Чыскыырай кыттыаҕа

Ыалдьыттарга анаан Саха сирин биллэр ырыаһыта  Валентина Романова — Чыскыырай  диджей  Uraanы кытта бэйэлэрин бырагыраамаларын көрдөрүөхтэрэ.

ВДНХ баар Уһук Илиҥҥи Федеральнай уокурук уонна Уһук Илини  сайыннарыы министиэристибэтин павильоннара саамай бастыҥынан ааҕыллыбыттара. Бу иһигэр Саха сирин «Якутия — Вселенная Олонхо» экспозицията эмиэ киирэр.  Наҕараадалары э РФ Бэрэсидьиэнин дьаһалтатын  салайааччытын бастакы солбуйааччы  Сергей Кириенко туттартаабыта.

Санатан эттэххэ, дойду Аҕа баһылыга Владимир Путин XXI үйэҕэ Уһук Илини сайыннарыыны национальнай суолталаах инники күөҥҥэ турар боппуруоһунан эппитэ. «Арассыыйа» норуоттар икки ардыларынааҕы быыстапка-пуорумҥа бары эрэгийиэннэр бэйэлэрин ситиһиилэрин көрдөрөллөр.

Саха сирин экспозициятыгар ыалдьыттар эрэгийиэн ураты айылҕатын, устуоруйатын, култууратын билсэллэрин таһынан, саха эпоһын нөҥүө креативнай индустрия бырайыактарын көрдөллөр.

«Арассыыйа» норуоттар икки ардыларынааҕы быыстапка-пуорум РФ Бэрэсидьиэнэ  Владимир Путин сорудаҕынан сэтинньи  4  күнүттэн 2024 сыл муус устар 12 күнүгэр диэри ыытыллар.