Москваҕа пилота суох көтөр аппарааттар атаакалаан, сөмөлүөттэр атын аэропортарга көттүлэр

Бүгүн, атырдьах ыйын 21 күнүгэр, сарсыарда Московскай уобаласка пилота суох көтөр икки аппарааты охтордулар. Онон Москва аэропортарыгар быстах кэмҥэ көтүүнү тохтоттулар, 50 кэриҥэ рейсэны атын эрэгийиэҥҥэ ыыттылар. Бу туһунан Росавиация иһитиннэрдэ диэн СИА суруйар.  

«45 пассажирскай уонна икки таһаҕас рейсэтэ Нижнэй Новгород, Казань уонна Санкт-Петербург саппаас аэропортарыгар ыытыллыннылар», — диэн ааҕыныстыба суруйар.

Сарсыарда 9 чааска Внуково, Домодево уонна Шереметьево аэропортара, ону таһынан Жуковскай аэропорт штатнай эрэсииминэн үлэлииллэр диэн Росавиция бэлиэтээтэ.

РФ Оборуонаҕа министиэристибэтэ иһитиннэрбитинэн, атырдьах ыйын 21 күнүгэр пилота суох көтөр икки аппарааты охторбуттар — Московскай уобалас Одинцовскай уонна Истринскэй оройуоннарыгар.