Хаартыска СӨ Бэрэстэбиитэлистибэтиттэн
Бу күннэргэ Москва куоракка ВДНХ-ҕа «Россия» быыстапка пуорумҥа сэлии үөскээбит палеонтологиятын күннэрэ буола тураллар диэн СӨ Бастайааннай бэрэстэбиитэлистибэтэ иһитиннэрэр.
Муус устар 9-10 күннэригэр икки күнү быһа Саха сирин истиэндэтигэр былыргы экспонаттар турдулар. Онно Уһук Илин уонна Арктика сайдыытын министиэристибэтин былаһааккатыгар үөрэх лиэксийэлэрэ уонна презентациялар ыытылыннылар. Кырачааннарга «Мамонт и другие древнейшие животные Сибири» кинигэ сүрэхтэниитэ, сэлии ойуутун кырааскалааһыҥҥа маастар-кылаас ыытылынна.
Үөрэх чааһыгар Таба Үрэх сэлиитэ, палеонтологическай уонна археологическай булумньулары масс-спектрометрия түргэтэтиллибит ньыманан радиоуглеродунан дааталааһын, сэлиини тилиннэрии тиэмэлэргэ лиэксийэлэри аахтылар. Итини сэргэ быыстапкаҕа ыалдьыттар былыргы палеолит таас туттар сэбин-сэбиргэлин куоппуйатын кытта билистилэр.
Иккис күн палеонтологическай булумньуну чинчийии маастар-кылааһыттан саҕаланна. Ыалдьыттар СӨ Наукаларын академиятын уонна Сэлии түмэлин уһулуччулаах булумньуларын туһунан биллилэр, былыргы ДНК-ны хайдах чинчийэллэрин көрдүлэр.
Бу күн ыалдьыттар сэлии туһунан «Генезис 2.0» киинэни устубут Максим Арбугаевы, «Золотой мамонт» уонна «Мамонт Павлова» киинэлэри оҥорбут Константин Атаманюгу, продюсер уонна режиссер Кирилл Блиновы кытары көрүстүлэр.
Тэрээһин быыстапката ыалдьыттары эрэ буолбакка, дойду түмэллэрин идэтийбит үлэһиттэрин эмиэ интэриэһиргэттэ. Кинилэргэ анаан онлайн-үөрэхтээһин уонна «Гиганты вечной мерзлоты» сэлии эйгэтин быыстапкатын тиэмэтигэр гид-экскурсоводтары бэлэмнээһин үөрэҕэ ыытылынна.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…