Хаартыска: СИА
Москваҕа «Арассыыйа» быыстапка-пуорумҥа саха тылыгар үөрэтэр маастар-кылаас буолан ааста. Кэлбит дьон саха алпаабытын кытта билистилэр, дорҕооннору уонна сахалыы дорооболоһор, билсэр-көрсөр тыллары үөрэттилэр.
Ыалдьыттар олоҥхону олус интэрэиһиргээтилэр. Маастар-кылаас бүтүүтэ олоҥхоттон устуруокалары ааҕан баран, олус астыннылар.
Бу маастар-кылааһы А.П. Гайдар аатынан Киин оҕо бибилэтиэкэтин сүрүннүүр бибилэтиэкэрэ Марианна Борисова ыытта. Кини саха суругун-бичигин, сахалыы буукубаар үөскээһинин туһунан кэпсээтэ.
Маны тэҥэ, саха тылын үөрэтиэн баҕалаах нууччалыы саҥарар дьоҥҥо аналлаах, И.И. Каратаев, Т.И. Каратаев босуобуйаларын көрдөрдүлэр. Босуобуйа букубаар, кэпсэтинньик уонна ыйынньык быһыытынан туһаныллар.
Быыстпака-пуорум ыалдьыттара Саха сирин, саха тылын туһунан интэриэһиргииллэрэ көһүннэ. Кинилэр Петроградскай университеты бүтэрбит, сахалыы букубаары оҥорбут, аатырбыт лингвист Семен Новгородов туһунан болҕойон иһиттилэр.
«Арассыыйа» быыстапка-пуоруму бэрэсидьиэн Владимир Путин көҕүлээбитэ, хас да ыйы быһа ВДНХ-ҕа ыытылла турар, эрэгийиэннэр ситиһиилэрин, уратылары көрдөрөр, билиһиннэрэр сыаллаах.
Ил Дархан, бырабыыталыстыба дьаһалтатын пресс-сулууспата
Саха сиригэр 9514 оҕо төрөөтө. Саха Өрөспүүбүлүкэтэ 2014 сылтан нэһилиэнньэ ахсаана үрдүү турар Уһук Илин…
Саха сирэ хорсун-хоодуот дьонунан аатырар. Саха сирэ бэйэтин устуоруйатыгар элбэх дьоруойу бэлэхтээбитэ, олор истэригэр Аҕа…
Хата бу бэрт этии буолбут. Билигин киһиэхэ ханнык битэмиин тиийбэтин бэрэбиэркэлэтээри дьон хастыы да тыһыынчаны…
Мииринэй оройуонун суута Ленскэй оройуонун 39 саастаах олохтооҕун улахан уорууга буруйдаата. Буруйдаах киһи тралга суоппардаабыт…
Мэҥэ Хаҥалас улууһун Төҥүлү нэһилиэгин урбаанньыта Иван Иванович Борисов туһунан “Саха сирэ” хаһыат саайтын нөҥүө…
Аҕыс уон сыл анараа өттүгэр, аан дойдуну аймаабыт, харах уута тохтуулаах Аҕа дойду Улуу сэриитэ…