Хаартыска sakha.gov.ru ылылынна
Москваҕа Саха сирин күннэрин иитинэн, быыстапка-пуорум былаһааккатыгар сэтинньи 12 күнүгэр кылгас метражтаах «Тымныы оҕуһа» 3D-мульткиинэни уонна «Рядовой Чээрин» байыаннай-историческай драманы көрдөрүөхтэрэ.
СӨ Ил Дархана Айсен Николаев Саха сирэ норуот култуурата уонна үгэһэ аныгы технологиялары, креативнай идиэйэлэри кытта хардарыта ситимнэһэр сир буоларынан, быыстапкаҕа кэлбит ыалдьыттары ситиһиилэринэн, бырайыактарынан сөхтөрүө диэн бэлиэтиир.
«Рядовой Чээрин» киинэ фронтовик, суруйааччы Тимофей Сметанин айымньытынан уһуллубута. «Киинэ улахан тэрээһиҥҥэ көрдөрүллэриттэн үөрэбит. Биһиэхэ бу улахан чиэс. Егор Чээрин уобараһа көрөөччүлэр санааларын кынаттыырыгар, ыччаты патриотическай тыыҥҥа иитэригэр эрэнэбит», — диэн режиссер Дмитрий Кольцов санаатын үллэстэр.
«Тымныы оҕуһа» мулькиинэни «Үлэ кыбартаала» креативнай кластер резиденэ «Туундара» анимационнай устуудьуйа устубут. Манна Айаал диэн уолчаан Бүөтүр диэн кырдьаҕас маастар көмөтүнэн ыра санаатын толорор.Уолчаан муус оҥоһуктар кистэлэҥнэрин сэгэтэн көрөрүн сэргэ, Тымныы оҕуһун кытары билсэр. Бу анимационнай киинэ соторутааҕыта норуоттар икки ардыларынааҕы ImagineNATIVE Film + Media Arts киинэ бэстибээлигэр бириис ылбыта.
«Арассыыйа» норуоттар икки ардыларынааҕы быыстапка-пуорум РФ Бэрэсидьиэнэ Владимир Путин сорудаҕынан 2023 сыл сэтинньи 4 күнүттэн 2024 сыл муус устар 12 күнүгэр диэри Москваҕа ВДНХ ыытыллар. Пуорумҥа Арассыыйа 89 эрэгийиэнэ, РФ министиэристибэлэрэ уонна биэдэмистибэлэрэ, корпорациялар, уопсастыбаннай тэрилтэлэр кытталлар.
Сиһилии https://www.sakha.gov.ru/news/front/view/id/3375765 көрүөххүтүн сөп.
СӨ Ил Дарханын уонна Бырабыыталыстыбатын пресс-сулууспата
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…