Москваҕа Уһук Илин сайдар кыахтарын туһунан быыстапка турда

Москваҕа уонна Московскай уобаласка баар үрдүк үөрэх кыһаларыгар Уһук Илиҥ күннэрин чэрчитинэн Уһук Илин сайдар саҕахтарын кэрэһэлиир быыстапка турда. 

Бырайыак балаҕан ыйын 25-27 күннэригэр үлэлиэҕэ. Ону Москватааҕы геодезия уонна картография судаарыстыбаннай университетыгар көрүөххэ сөп. Бу быыстапканы өссө тоҕус үөрэх тэрилтэтигэр туруорар былааннаахтар. Тэрийээччинэн Социальнай көҕүлээһиннэри сайыннарар пуонда буолар.

Интерактивнай мобильнай экспозиция хас даҕаны зонаҕа араҕыста: устудуьоннар уонна эдэр исписэлиистэр Уһук Илиҥҥэ олох, үлэ, үөрэх туһунан билиэхтэрин сөп.