Хаартыска: sakha.gov.ru ылылынна
Алтынньы 24-25 күннэригэр Москватааҕы политэхиньиичэскэй университекка “Москваҕа Уһук Илин эрэгийиэннэрин күннэрэ – 2024” интерактивнай быыстапка үлэлиир. Бу тэрээһин кэмигэр Уһук Илиҥҥи федеральнай уокурукка наадалаах идэлэри кытта билсиэххэ сөп.
Уһук Илиҥҥэ тэимнээхтик инфраструктура, экэниэмикэ, тырааныспар, тутуу уо.д.а. салаалара сайдаллар.
Бу университет сыыппара сайдыытыгар проректора Илья Красильников тустаах эрэгийиэн устудьуоннары тугунна интэриэһиргэтэрин туһунан маннык эттэ: “Уһук Илин экэниэмикэтин сайдыыта – эдэр, идэлэрин дэгиттэр баһылаабыт эдэр дьону тардыыга тутаах көрүҥ. Биһиги университеппыт эрэгийиэҥҥэ инники өттүгэр наадалаах устудьуоннары бэлэмниир. Устудьуоннарбыт хайдах үлэҕэ киириэххэ сөбүн билэллэрэ дьоһун суолталаах”.
Быыстапка киинигэр Уһук Илиҥҥэ бэйэ кыаҕын арыйарга сөптөөх усулуобуйа баарын көрдөрөр интерактивнай истиэндэ баар. Манна хас биирдии зона тус-туспа хайысхалары сырдатар, экотрузимы , култуура көҕүлээһиннэрин, карьеранан улаатыыны киллэрэн туран.
“ Уһук Илин тырааныспар уонна геобэлиитикэ эйгэлэригэр сайдар буолан, саҥа үлэ миэстэлэрин тэрийэр. Биһиги манна сөп түбэһэр киэҥ эйгэлээх үөрэх бырагыраамалаахпыт. Эрэгийиэҥҥэ олорорго, үлэлииргэ усулуобуйа тэриллэрин эдэр исписэлиистэр сэргииллэр”, — диэтэ салгыы Москватааҕы политехническай университет сыыппара сайдыытыгар проректора Илья Красильников.
Устудьуоннар уонна быыстапканы көрөөччүлэр эрэгийиэҥҥэ үлэ ырыынагын кытта билистилэр. Интерактивнай истиэндэлэргэ ипэтиэкэ кирэдьиитин туһунан эмиэ кэпсэнэр. Ол Уһук Илиҥҥэ олорорго табыгастаах усулуобуйа баарын бигэргэтэр.
Быыстапка ону тэҥэ инновацияны уонна эрэгийиэн тирэхтэх сайдыытын кытта сибээстээх кэлэр кэм идэлэригэр болҕомтону туһаайар.
Санаттахха, “Москваҕа Уһук Илин эрэгийиэннэрин күннэрэ – 2024” тэрээһин балаҕан ыйын 30 күнүттэн саҕаламмыта. Бу интерактивнай быыстапкалыыр экспозиция сэтинньи 1 күнүгэр диэри Москва уонна Москва уобалаһын бөдөҥ үөрэх кыһаларыгар ыытыллыаҕа.
Бырайыак УИФУо –ҕа РФ Бэрэсидьиэнин боломуочуйалаах бэрэстэбиитэлин, Арассыыйа Илини сайыннарыыга министиэристибэтин, Уһук Илин уонна Арктика сайдыыларын корпорациятын уонна “Социальнай көҕүлээһиннэри сайыннарыы пуондата” тэрилтэ өйөбүллэринэн олоххо киирдэ.
Тэрээһин туһунан бырагыраама маннык саайтка баар: https://ddv.moscow/.
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …