Мотуордаах оҥочону уоруу арылынна

Хаҥалас оройуонун полициятын дьуһуурунай чааһыгар кимэ биллибэт киһи 100 тыһыынча солкуобайдаах мотуордаах оҥочону ыстарааптыыр стоянкаттан уорбутун туһунан үҥсүбүттэр.

Холуобунай ирдэбил үлэһиттэрэ буруйдааҕы тута буллулар. Урут уоруунан сууттана сылдьыбыт  бу стоянка 47 саастаах харабыла буолара быһаарыллыбыт.

Уорбаланааччы киһи стоянкаҕа мотуордаах оҥочо турарын (мотуора иһигэр) көрбүт. Ону уоран ылан баран, бу ылбыт сириттэн чугас тыаҕа кистээбит. Нөҥүө күнүгэр батарыам диэн санаалаах. Уоруллубут малы дьиҥнээх хаһаайыныгар төнүннэриэхтэрэ.

Онон Арассыыйа Федерациятын ХК 158 ыст. 2 ч. “Уоруу” холуобунай дьыала көбүтүлүннэ. Бу киһи 5 сыл болдьоххо көҥүлэ быһыллыан сөп.

ИДьМ Саха Өрөспүүбүлүкэтигэр пресс-сулууспата