Можайскай уулуссаҕа тахсыбыт иирсээнинэн бэрэбиэркэ ыытыллар

Бу күннэргэ социальнай ситимҥэ Дьокуускай куоракка Можайскай уулуссаҕа биир эр киһи массыыналаах киһини  охсуталыыр  видеота тарҕаммыта.

Ис дьыала министиэристибэтэ туһааннаах иирсээнинэн бэрэбиэркэ ыытар.

Ол курдук Дьокуускайдааҕы полиция 3-с отделын учаскуобайдара бу иирсээҥҥэ буруйдаах 25 саастаах Дьокуускай куорат олохтооҕун быһаардылар.

Иирсээн иккис кыттыылааҕа — массыына суоппара бэрэбиэркэ кэмигэр, сайабылыанньа биэрэртэн аккаастаммыт. Мэдиссиинискэй көмөҕө наадыйбатах.

Билигин  25 саастаах эр киһиэхэ  «Мелкое хулиганство» диэнинэн административнай боротокуол толорулунна.