Саха сирэ Москваҕа байыаннайдары өйүүрү сүрүннүүр киини арыйда.
Киин анаан-минээн Саха сириттэн төрүттээх байыаннайдарга уонна дьиэ кэргэннэригэр өйөбүлү тэрийэри, дойдубут саҥа сирдэрин-уоттарын чөлүгэр түһэриини, нэһилиэнньэҕэ гуманитарнай көмөнү ыытары үүннүөҕэ-тэһиинниэҕэ, Москва куоракка Саха сирин бастайааннай бэрэстэбиитэлэстибитин баазатыгар үлэлиэҕэ диэн Ил Дархан Айсен Николаев иһитиннэрдэ.
«Өрөспүүбүлүкэ Саха сириттэн төрүттээх байыаннай сулууспалаахтары уонна кинилэр дьиэ кэргэттэрин өйүүр. Тэрилтэлэр уонна биирдиилээн дьоммут быһаччы өйөбүллэринэн биһиги байыастарбыт көмөнү ылаллар. Дьокуускай куоракка быстах хомуурга ыҥырыллыбыттары уонна дьиэ кэргэннэрин өйүүр киин тэрилиннэ, 122 диэн нүөмэрдээх быһа сибээс олохтонно уонна быстах хомуурга барбыттарга анаан баһыылканы бэрийэн ыытар анал пуун тэрилиннэ», – диэн Айсен Николаев быһаарар.
Киин сүрүн сыала-соруга:
— байыаннай сулууспалаахтарга уонна дьиэ кэргэттэригэр бары өттүнэн сөптөөх өйөбүл оҥоһулларын сүрүннээһин уонна хонтуруоллааһын;
— РФ Оборуонаҕа министиэристибэтин уонна атын тустаах биэдэмистибэлэри кытта бииргэ үлэлиири сүрүннээһин, хааччыйыы;
— Саха сириттэн сылдьар эчэйиини ылбыт байыаннардарга көмөлөһүүнү сүрүннээһин;
— Саха сириттэн сылдьар байыаннайдарга матырыйаалынай-тэхиньиичэскэй өттүнэн көмөлөһүүнү үүннээһин-тэһииннээһин.
Ил Дархан иһитиннэрбитинэн, киин үлэтигэр Саха сириттэн РФ Судаарыстыбаннай Дууматыгар үлэлиир дьокутааттар, РФ Сэбиэтигэр баар сенатордар, Саха сиригэр үлэлиир улахан тэрилтэлэр кыттыһыахтара, көмөлөһүөхтэрэ. Ил Дархан Айсен Николаев эрдэтээҥҥи Ыйааҕынан байыаннайдар уонна быстах хомуурга ыҥырыллыбыт дьон дьиэ кэргэттэригэр матырыйаалынай көмө быһыытынан 200 тыһ. солк бэриллэр, оҕолор дьыссаакка сылдьар төлөбүрдэрэ сотуллубута, 5-11-с кылаастарга үөрэнэр оҕолоро босхо аһынан хааччыллаллар, 6-тан 18-гар диэри саастаах оҕолоро анал лааҕырдарга босхо путевканан туһаналлар.
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…
Дьокуускай киинигэр массыына дьиэ эркинигэр курдат саахаламмыт курдук оҥоһуллубут арт-эбийиэги көтүрдүлэр. Инсталляция Ленин проспегар турар…
Субуотаттан, от ыйын 12 күнүттэн саҕалаан, Саха сиригэр нэдиэлэ устата магнитнай буурҕа саҕаланыа. Мөлтөөһүн аныгыскы…
Эһиги саахардаах диабеттаах буоллаххытына, глюкометры уонна тест-полоскалары ОМС полиһынан босхо ылыаххытын сөп. Ол туһугар бэйэҕит…
А.Е.Турнин аатынан күрэс уораҕайыгар наартаны үрдүнэн ойууга уолаттар, эр дьон, бэтэрээн эр дьоннор, кыргыттар, дьахталлар…