Мугудайдар үтүө санаалара уҕараабат

Чурапчы улууһун Мугудай нэһилиэгин үтүө санаалаах олохтоохторо байыаннай дьайыыга сылдьар уолаттарга тиһигин быспакка күүс-көмө буолаллар.

Бу күннэргэ нэһилиэк олохтоохторо байыаннай дьайыыга сылдьар биир дойдулаахтарыгар көмө ас хомуйан, астаан, тоҥорон бэлэмнээтилэр. Нэһилиэк олохтооҕо Сергей Корякин, бааһыран госпиталга сытар уолаттарга анаан биир куул собо биэрбитин «Сайдыына» түмсүү кыргыттара сыа-сым курдук тутан ыраастаан, ыһаарылаабыттар.

Оттон ону салгыы үтүө санаалаах Федор Сивцев Дьокуускайга, волонтердар Светлана уонна Владислав Диодоровтарга-Лаврентьевтарга аҕалан туттарда.

Бу курдук хас да киһи хамсанан, үтүө дьыала оҥоһуллар. Үтүө дьыала уҕараабат. Мугудайдар тыылга Кыайыыны уһансаллар.