Хаартыска: sakhagov.ru
Өрөспүүбүлүкэ бырабыыталыстыбатын бэрэссэдээтэлин бастакы солбуйааччы Дьулустаан Борисов салалтатынан «РНГ» акционернай хампаанньа эрэгийиэҥҥэ оҥорон таһаарар үлэтигэр аналлаах мунньах буолан ааста.
Өр сыллар усталарыгар «РНГ» хампаанньа Орто Ботуобуйатааҕы хостонор сиртэн ВСТО систиэмэтин нөҥүө ньиэби хачайдыыр. Хампаанньа өрөспүүбүлүкэ арҕаа өттүгэр уонна Арктика зонатыгар лицензионнай сирдэр киэҥ ситимнэрин бас билэр.
Мунньах кэмигэр икки сүрүн боппуруос дьүүллэһилиннэ. Бастакы боппуруоһунан «РНГ» АУо билиҥҥи производственнай үлэтин-хамнаһын көрүү уонна эрэгийиэн социальнай-экономическай сайдыытыгар өрөспүүбүлүкэ салалтатын кытта салгыы үлэлэһии кэскилин көрүү буолла. Хампаанньа олохтоох дьон олоҕун таһымын тупсарар, инфраструктураны сайыннарар бырайыактары өйүүрэ наадатын тоһоҕолоон бэлиэтээтилэр.
Иккис боппуруоһунан «Мухтуйа» эрэгийиэннээҕи трассаны өрөмүөннүүр үлэҕэ инертнай матырыйаалынан хааччыйыы буолла. Бу суол Арҕааҥҥы Саха сиригэр стратегическай оруолу ылар, нэһилиэнньэҕэ уонна бырамыысыланнай тэрилтэлэргэ, ол иһигэр «РНГ» хампаанньаҕа бэйэтигэр. Билигин хампаанньа судаарыстыбаннай хантараагынан суолу өрөмүөннээн саҕалаата. «РНГ» бас билэр хампаанньаларыгар киирэр геологическай чинчийэр сирдэргэ баар инертнай матырыйааллар (кумах уонна гравий холбоһуктара) баар кыахтаах сирдэрэ быһаарыллыбыттар.
Өрөспүүбүлүкэ бырабыыталыстыбата суолу чөлүгэр түһэрии үлэтин кэмигэр уонна хаачыстыбалаахтык толорорго инертнай матырыйаал ирдэнэр кээмэйин хааччыйар туһугар, бэдэрээтчит эбии геологическай чинчийэр үлэтин ыытарыгар көҥүл биэрэргэ туруорсар.
“Биһиги өрөспүүбүлүкэбитигэр үлэлиир хампаанньа сир баайын хостооһуну эрэ ыытыа суохтаах, инфраструктура сайдыытыгар уонна дьон олоҕун хаачыстыбатыгар эппиэтинэһи үллэстиэхтээх. «Мухтуйа» суолун өрөмүөннээһин боппуруоһа экэниэмикэ эрэ сорук буолбатах, бу бүтүн Саха сирин арҕааҥҥы өттүн бигэ туруктаах инникитин боппуруоһа буолар”, — диэн тоһоҕолоон бэлиэтээтэ бырабыыталыстыба бэрэссэдээтэлин бастакы солбуйааччы Дьулустаан Борисов.
Көрсүһүү кэмигэр кыттааччылар кэпсэтиини салгыырга уонна судаарыстыба, биисинэс, эрэгийиэн олохтоохторун икки ардыларыгар интэриэстэр тэҥнэһиилэрин хааччыйар механизмнары бииргэ оҥорорго сөбүлэстилэр.
Сиһилии аах: https://www.sakha.gov.ru/news/9600
"Муравьев-Амурскай 2030" бырагыраама бэһис түһүмэҕин саҕаланыыта Москваҕа «Арассыыйа» национальнай кииҥҥэ үөрүүлээх быһыыга-майгыга ыытыллар. РФ Уһук…
Тирэх пуун үлэһиттэрэ байыаннай сулууспалаахтарга баһыылкалары тиэрдэллэр. Бу туһунан өрөспүүбүлүкэ тирэх пууннарын сүрүн координатора "Юстас"…
Киһи барыта баттаҕа хойуу, үчүгэй туруктаах, көстүүлээх буолуон баҕарар. Онуоха кэмиттэн-кэмигэр араас мааскалары оҥостуохха сөп.…
Суоттуга Хоноҕордооҕу "Түһүлгэ" сынньалаҥ киинигэр нэһилиэкпит аҕам саастаахтарыгар анаан Саҥа дьыллааҕы ураты тэрээһин буолла. …
2 №-дээх полиция отделын дьуһуурунай чааһыгар балыыһаттан ойоҕоһугар тостуулаах киһи киирбитин туһунан иһитиннэрии киирбит. Холуобунай…
Дьарыктаах буолуу сулууспатын көмөтүнэн ааспыт сылга өрөспүүбүлүкэҕэ байыаннай эпэрээссийэ 121 кыттыылааҕын үлэҕэ ыллылар. 61 киһи анал…