“Мукучу” филиал иистэнньэҥнэрэ хас биирдии таҥаска илиилэрин сылааһын иҥэрдилэр

Анал байыаннай дьайыыга сылдьар биир дойдулаахтарбытыгар анаан алтынньы 20 күнүгэр диэри Кэбээйи улууһун дьаһалтата, култуура управлениетын салайааччыта Илья Алексеев иилээн-саҕалаан, улууспут иис сыахтарын үс филиалыгар таҥастары тиктибит.

«Илии сылааһа» иис сыаҕын «Мукучу» филиалын иистэнньэҥнэрэ эр хоһууттарбытыгар отуттуу устуука флис куурка, х/б ыстаан, кээнчэ, кааска иһинэн кэтэр флис бэргэһэ тигэн, ону кытта И.Е. Левин аатынан Танара орто оскуолатын үөрэнээччилэрэ саллааттарга суруйбут суруктарын уган, этиллибит кэмин баттаһа бэлэмнээтилэр.

Хас биирдии таҥаска илиилэрин сылааһын иҥэрэн, уолаттарбытыгар күүс-уох эбэр, харыстыыр-хаххалыыр аналлаах тиктилэр. Бары бииргэ биир санаанан салайтаран, эйэлээх олох туругурарыгар баҕарабыт!

Вера Прокопьева, Мукучу.