Хаартыска: Вера Прокопьева тиксэриитэ.
Олунньу 22 күнүгэр Мукучу нэһилиэгин «Дайан» сынньалаҥ киинигэр Аҕа дойдуну көмүскээччи күнүгэр анаан тэрилтэлэр икки ардыларыгар үтүө үгэскэ кубулуйбут «Суһал сулууспа» квест-оонньуу бэһис төгүлүн ыытылынна.
Уопсайа биэс тэрилтэ «Кэнчээри» оҕо уһуйаанын, И.Е.Левин аатынан тус биридимиэттэри дириҥэтэн үөрэтэр Танара орто оскуолатын, «Мукучу нэһилиэгэ» ТС, «Сайылык» тыа хаһаайыстыбатын, Оҕо ускуустубатын оскуолатын тэрилтэтин эр бэртэрэ сэттэ түһүмэхтээх оонньууга илин-кэлин түһүстүлэр.
Ол курдук. биир формалаах, девизтээх, эҕэрдэ нүөмэрдээх кэлэн тэрилтэлэрин билиһиннэриилэрэ, сыал ытыыта, гиирэни анньыы, ырааҕы ыстаныы, сорудаҕы толоруу, хары баттаһыы уонна түмүктүүр хааһыны сиэһин түһүмэхтэрэ олус тыҥааһыннаахтык буолан аастылар. Биирдиилээн ыллахха, сыал ытыытыгар кыраҕы харахтаах Георгий Стрекаловскай 27 очукуону ылан, тэрилтэтигэр үрдүк көрдөрүүнү бэлэхтээтэ. Маны тэҥэ ырааҕы ыстаныыга Дмитрий Соломонов 2 м 15 см ыстанан тэҥнээҕин булбата. Гиирэни Александр Макаров 35-тэ анньан, тэрилтэтэ инники күөҥҥэ тахсарыгар биир хардыыны эптэ. Сорудаҕы өйдөөн истэннэр сөптөөх толкуйу ылынаннар Григорий Гуляев, Дмитрий Яковлев сорудах толоруутун тулуппатылар уонна тэрилтэлэригэр олус наадалаах очукуону эбэн иннилэрин хоту эрэллээхтик хардыылаатылар.
Бүтэһик түһүмэххэ күрэхтэһии тыҥааһына өссө күүркэйдэ. Ол түмүгэр үһүс миэстэни аан маҥнай кыттар тыа хаһаайыстыбатын туруу үлэһит уолаттара Григорий Гуляев, Дмитрий Яковлев ыллылар. Иккис миэстэҕэ олохтоох дьаһалта үлэһиттэрэ Александр Макаров, Прокопий Самсонов тахсан үөрүүлэрэ үксээтэ. Муҥутуур кыайыылааҕынан уһуйаан эдэр үлэһиттэрэ Алексей Гуляев, Георгий Стрекаловскай буоллулар. Өрөгөй түгэн тосхойбутунан истиҥник эҕэрдэлиибит.
Бука бары кыттыбыт, ону тэҥэ кыайыылаах эр хоһууттарбытыгар үлэлиир тэрилтэлэрэ, ону тэҥэ «Дайан» сынньалаҥ киин грамоталары, кубоктары туттартаата, бириистэри бэлэх ууннулар. Эһиилги алтыс төгүлүн ыытыллар күрэхтэһиигэ өссө элбэх кыттааччыны күүтэбит. Нэһилиэкпит аҕаларын, эр дьоннорун бука барыгытын көхтөөхтүк кыттаргытыгар ыҥырабыт.
Эркин курдук эрэнэр, дурда-хахха буолар эр хоһууттарбытыгар бэйэҕэ эрэли, чэгиэн туругу, бигэ тирэҕи, үрдүк чыпчааллары баҕара хааллыбыт!
Вера Прокопьева, Мукучу
Бу күннэргэ өрөспүүбүлүкэ үрдүнэн ситэриилээх былаас ааспыт сыллааҕы үлэтин отчуота буола турар. Ол чэрчитинэн олунньу…
“Манчаары оонньуулара” успуорт национальнай көрүҥнэригэр XXII Спартакиада Таатта улууһун Ытык Күөл сэлиэнньэтигэр ыытыллара былааннанар буолан,…
Бүгүн, олунньу 23 күнүгэр, Кириэмилгэ Аҕа дойдуну көмүскээччи күнүгэр Арассыыйа Бэрэсидьиэнэ Владимир Путин Андрей Григорьевка…
Урукку сылларга холоотоххо, быйыл халлааммыт арыый сылаас. Саҥа дьыл бырааһынньыктарыгар түспүт тоһуттар тымныыны аахсыбатахха, сааскы…
Дьокуускайга Аҕа дойду Улуу сэриитин сылларыгар буолбут Ильмень Күөл кыргыһыытын 82 сылыгар аналлаах миитин буолла.…
Куруук истириэстиир, сыыһа аһыыр уонна элбэхтик хамсаммат буоллахха, сыстыгана суох дьарҕа (хроническай) ыарыылар элбииллэр. Сыстыгана…