Мукучулар муҥутуур кыайыылаах буоллулар!

Өрөспүүбүлүкэтээҕи «Илии сылааһа» сыах филиала Кэбээйи улууһугар бастакынан Мукучу сиригэр-уотугар тэриллибитэ.

Ол кэмтэн ыла волонтердар утумнаахтык үлэлииллэр. Бу маннык тиһигин быспакка иистэнэр буоланнар сыл ахсын сайдан, таһымнара үрдээн иһэр. Уустук тигиилэри баһылаатылар: тактическай ырбаахылары, кыһыҥҥы соннору… Биһиги иистэнньэҥнэрбит аан бастакыттан ураты болҕомтолорун хаачыстыбалаахтык оҥорууга туһаайаллар.

Быйылгы «Үлэ, иис» өрөспүүбүлүкэтээҕи күрэскэ муҥутуур кыайыылаах аатын ылан, кинилэр кыахтарын дакаастаатылар, үрдүк таһымнаах маастарыстыбаларын көрдөрдүлэр. Ситиһиилэрин Улуу Кыайыы 80 сылыгар уонна байыаннай дьайыыга кыайыы иһин аныыллар.

Филиалга араас көлүөнэ дьон иистэнэр, ол курдук ытык волонтербутун Иванова Тамара Дмитриевнаны үтүө тылынан өрүү холобур оҥостобут.

Үлэҕэ өрө күүрүүлээх, дойдуга бэриниилээх, сайдыыга дьулуурдаах Мукучубут тупсар, үтүө аата ааттаннар.

Мукучу пресс-сулууспата.