Хаартыска: "ИнЯкутия"
Арассыыйа устун айаны табыгастаах уонна куттала суох оҥоруу – «Туризм уонна ыалдьытымсах буолуу» национальнай бырайыак сүрүн соруга буолар.
Турист биир сүрүн сыалынан түргэн, хаачыстыбалаах, куттала суох уонна чэпчэки сыаналаах айан буолар. Ону таһынан, икки тохтобул икки ардыгар тырааныспар сулууспата эрэ суолталаах буолбатах: айанньыт «аантан ааҥҥа диэри» саамай табыгастаахтык айанныыра улахан суолталаах. Хас биирдии сыыһа толкуйдаммыт маршрут, сөмөлүөттэн сөмөлөһүөккэ көһөрүү, кэтэһии пассажирга бириэмэни сиир уонна ыарахаттары үөскэтэр.
Биһиги гражданнарбыт мэһэйэ суох айанныылларын хааччыйар туһугар, Арассыыйаҕа мультимодальнай маршруттар систиэмэлэрэ үлэлиир: пассажир биир билиэти атыылаһан баран, көһөрүүтэ суох, тиийиэхтээх сиригэр тиийэр. Биир билиэт диэн араас тырааныспар көрүҥнэрин туһанан, холобур, «поезд + оптуобус» эбэтэр «сөмөлүөт + оптуобус» айан тиһэх маршрутугар тиэрдии докумуона. Биир кэлим «поезд+автобус» билиэти ханнык баҕарар тимир суол станциятын каассатыгар, ону тэҥэ «Арассыыйа тимир суоллара» АУо сайтыгар ылыаххытын сөп. «Сөмөлүөт + оптуобус» билиэти онлайн атыылаһар сервис уонна айан ааҕыныстыбаларын каассаларын нөҥүө оҥоһуллар.
«Транспорт систиэмэтин сайыннарыы» судаарыстыбаннай бырагыраама чэрчитинэн, бүгүн Арассыыйа тоҕус эрэгийиэнигэр 56 уонна Абхазияҕа 5 мультимодальнай маршрут тэрилиннэ. Арассыыйа бары сүрүн хайыһар куруортарыгар тырааныспар баар буолар: Хотугу Кавказка (Эльбрус уобалаһа, Домбай, Архыз), Кузбасс (Шерегеш), сайыҥҥы кэмҥэ бу Абхазия куруортара. Ону тэҥэ, биир билиэтинэн Калининградтан чугас Балтийскай муора кытылыгар уонна Арассыыйа атын эрэгийиэннэригэр: Владимир уонна Вологодскай уобаластарга, Удмуртияҕа уонна Дагестаҥҥа барыахха сөп. 2025 сыл бэс ыйыгар Алтай сиригэр эмиэ мультимодальнай маршрут саҕаламмыта: Горно-Алтайскайтан «Сибиир», «Алтай-Запад», «Белокуриха» санаторийдарга диэри.
Сиһилии: https://www.sakha.gov.ru/news/8464
От ыйын 17 күнүгэр Алдан оройуонун Томмот бөһүөлэгэр сымыыт саҕа тобурах түстэ. Бастаан ардах түспүт,…
Бүгүн СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников салайааччылах оробуочай бөлөх Өймөкөөн улууһугар үлэлээтэ. СӨ…
Байыаннай дьайыы бэтэрээнэ Марк Белолюбскай "Аҕа дойдуну көмүскээччилэр" пуонда филиалын көмөтүнэн бэйэ дьыалатын тэринэр. Дойдутугар…
«Благоустройство Дальневосточных дворов» федеральнай бырагыраама чэрчитинэн, 2025 сылга Саха сиригэр 17 тиэргэни тупсаран оҥоруохтара диэн…
Улуустар окко кииритэлээн эрэллэр. Сир-сир аайы от үүнүүтэ араас. Бүлүү улууһун отчуттара эмиэ ходуһаларга кииритэлээн…
"Тундра" устуудьуйа Саха сириттэн бастакынан «Народ меняет страну» национальнай бириэмийэнэн наҕараадаланна. Саха сирин аниматордарын үлэлэрэ…