Муммут дьахтары геолокация көмөтүнэн быыһаабыттар

Бүгүн, атырдьах ыйын 7 күнүгэр, күнүс 13.50 м. 112 систиэмэ нөҥүө Хатыҥ Үрэх шоссетыгар дьахтар муммутун туһунан иһитиннэрии киирбит. Муммут дьахтар бэйэтэ төлөпүөннээбит.

Муммут дьахтар бэйэтэ төлөпүөннээбит. Саха сиринээҕи быыһыыр сулууспа суһал дьуһуурунайа Ньургуйаана Павлова төлөпүөнүнэн тута быыһыыр үлэни ыытан барбыт. Дьуһуурунай киниттэн координатын ыытарыгар, төлөпүөнүгэр геолокацияны көрөрүгэр эппит. Тута да буолбатар, муммут дьахтар төлөпүөнүгэр бэйэтин координатын бассаабынан (Арассыыйаҕа бобуулаах) ыыппыт. Салгыы Ньургуйаана Павлова ону каартаҕа киллэрэн, хайа диэки барара ирдэнэрин ыйан испит.

— Дьахтар трассаттан 5 килэмиэтир тэйиччи сылдьара. Мин кинини трассаҕа таһаарар соруктааҕым – диэн Ньургуйаана Павлова кэпсиир. Онон быыһааччылары сыһыарбакка дьахтары ойууртан таһаарбыт. Дьиэтигэр учаастактааҕы бырааһа көрсүбүт.

Бу туһунан Өрөспүүбүлүкэтээҕи быыһыыр сулууспа телеграм ханаалыгар суруйаллар.