Муниципалитеттар баһылыктарын 80 % — “Биир ньыгыл Арассыыйа” баартыйа бэрэстэбиитэллэрэ

“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан кэпсээтэ. Өрөспүүбүлүкэ 103 муниципалитетыгар олохтоох салайыныы уорганнарын баһылыктарын таллылар, ол иһигэр 4 – оройуон баһылыгын.

Ил Дархан бэлиэтииринэн, мандаатын ахсаанынан дойдуга саамай улахан быыбар хампаанньата ааста. 103 нэһилиэнньэлээх пуун уонна оройуоннар баһылыктара эрэ буолбакка, муниципальнай уонна оройуон сэбиэттэрин, куорат уонна бөһүөлэк дьокутааттарын таһымыгар 1000 кэриҥэ мандаты ылыыны быһаардылар.

“Быыбарга кэлии үчүгэй. Гражданнар куоластыы кэлэн, баҕа санааларын биллэрдилэр. 82 муниципалитекка баһылыктар быыбардарыгар “Биир ньыгыл Арассыыйа” баартыйа бэрэстэбиитэллэрэ кыайдылар, 2-гэ — “Новые люди” баартыйа бэрэстэбиитэллэрэ, бииргэ – ЛДПР, атыттарга – бэйэлэрэ туруоруммуттар.  Муниципалитеттар баһылыктарын 80 % — “Биир ньыгыл Арассыыйа” баартыйа бэрэстэбиитэллэрэ буолуулара – чаҕылхай көрдөрүү”, — диэн бэлиэтээтэ Айсен Николаев.

Саха сирин баһылыга муниципалитеттар баһылыктарын кыайыынан эҕэрдэлээтэ.

“Бука барыларын кытта бу оройуоннар олохтоохторун туһугар бииргэ үлэлиэхпит. Быыбар иннинээҕи ылыммыт бырагыраамалара туоларыгар баҕарабын”, —  диэтэ Айсен Николаев.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата