Муниципальнай биэнсийэтэ суох хаалбыт…

2023 сыл балаҕан ыйыгар Таатта улууһун урукку баһылыга улуус дьаһалтатын аатыгар муниципальнай биэнсийэ аныылларын туһунан сайабылыанньа түһэрбит.

Улуустааҕы борокуратуура  сайабылыанньаны сөбө суоҕунан аахпыт. Бу сыл ыам ыйыгар Таатта улууһун урукку баһылыга суут уурааҕынан сулууспатын толорууну кытта сибээстээх буруй оҥорбута чахчыламмыт. Сокуон этэринэн, сулууспатын толорууну кытта сибээстээх буруйу оҥорбут муниципальнай үлэһит өр үлэлээбитин иһин төлөбүр тохтотуллар. Онон сайабылыанньа түһэрээччи ирдэбилигэр аккаастыырга дьаһал тахсыбыт, улуус  борокуратуурата урукку баһылыкка сэрэтии таһаарбыт.