Хаартыска: sakha.gov.ru
Ахсынньы 17-19 күннэригэр Муниципальнай тэриллиилэр бэрэстэбиитэллээх уорганнарын дьокутааттарын III сийиэһигэр бары улуустартан, нэһилиэктэртэн 500-чэкэ дьокутаат кыттыаҕа.
III Сийиэскэ дьону долгутар боппуруостары дириҥник көрөр араас тиэмэлээх сиэксийэлэр, дьүүллэһиилэр ыытыллыахтара.
Ахсынньы 17 күнүгэр сокуоҥҥа тахсыбыт уларыйыыларынан, социальнай эйгэни үбүлээһининэн, сири-уоту туһаныынан, айылҕа харыстабылынан уонна муниципалитеттар сайдыыларын араас өрүттэринэн төгүрүк остуоллар уонна кэпсэтиилэр ыытыллыахтара.
Ахсынньы 18 күнүгэр Сийиэс пленарнай мунньаҕа сарсыарда 10:00 чаастан Опера уонна балет тыйаатырыгар саҕаланыаҕа. Бу күн Ыччат парламенын уонна Ил Түмэн эдэр дьокутааттарын Сэбиэтин холбоһуктаах мунньаҕа ыытыллыаҕа.
Ил Түмэн бэрэссэдээтэлэ Алексей Еремеев бэлиэтээбитинэн, сийиэскэ «Саха Өрөспүүбүлүкэтигэр олохтоох бэйэни салайыныы туһунан» саҥа өрөспүүбүлүкэтээҕи сокуон барылын дьүүллэһиэхтэрэ.
Маны таһынан, сийиэс кыттыылаахтара муниципальнай тэриллиилэр баһылыктарын талар саҥа быраабылаларга итиэннэ араас таһымнаах былаас уорганнарын икки ардыларыгар боломуочуйаны үллэстиигэ болҕомтолорун ууруохтара, диэн иһитиннэрэр Ил Дархан, бырабыыталыстыба пресс-сулууспата.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…