Хаартыска: Мария Васильева, ЯСИА.
Эһиил тохсунньу 1 күнүттэн Арассыыйаҕа мунньуллар биэнсийэ төлөнөр кэмин сабаҕаланар болдьоҕо 270 ый буолуоҕа. Маннык биэнсийэни 152 тыһыынча кэриҥэ киһи ылыаҕа, оттон ый аайы төлөбүр орто кээмэйэ – 1,5 тыһыынча кэриҥэ солкуобай буолуоҕа диэн РИА Новости Судаарыстыбаннай Дуумаҕа Үлэ, социальнай бэлиитикэ уонна бэтэрээннэр дьыалаларыгар кэмитиэтин чилиэнэ Светлана Бессараб иһитиннэрдэ.
«Тохсунньу 1 күнүттэн Арассыыйаҕа мунньуллар биэнсийэ төлөнөр кэмин сабаҕаланар болдьоҕун 270 ый диэн быһаарар сокуон күүһүгэр киириэҕэ. Бу быраабыла 2026 сылга 60 уонна 55 саастарын туолар эр дьоҥҥо уонна дьахталларга эрэ быһаччы сыһыаннаах», – диэтэ Бессараб.
Кини бэлиэтээбитинэн, мунньуллар биэнсийэни оҥорор бырагыраамаҕа кыттыбыт дьоҥҥо, бырабыыталыстыба уурааҕынан бигэргэтиллибит сөптөөх методика туттуллар.
«2026 сылга методика муҥутуур кээмэйинэн 270 ыйы көрдөрөр буолан, көрдөрүүнү ордорор көҥүллэммэт», – диэн парламентарий эбэн эттэ.
Бессараб этэринэн, 2026 сылга мунньуллар биэнсийэни ылааччылар ахсааннара 152 тыһыынча кэриҥэ киһи буолуоҕа, оттон ый аайы төлөбүр орто кээмэйэ – 1,5 тыһыынча кэриҥэ солкуобай буолуо диэн күүтүллэр. Ону таһынан, бэлиитик чуолкайдаабытынан, өссө 705 тыһыынча кэриҥэ гражданин биэнсийэ мунньуллуутун биир кэмнээх төлөбүрүнэн ылыахтара. Орто кээмэйэ 68 тыһыынча солкуобай буолуоҕа.
«Биир кэмнээх төлөбүр, биэнсийэ ааҕыллар ыйдааҕы кээмэйэ биэнсийэлээх тиийинэн олоруу алын кээмэйин 10%-гар тиийбэт буоллаҕына ананар. 2026 сылга биэнсийэлээх тиийинэн олоруу алын кээмэйэ 16 288 солкуобай буолуоҕа: 16 288 х 10% х 270 = 439 776 солкуобай», – диэн кини кэпсээтэ.
Бессараб бэлиэтээбитинэн, ити курдук, мунньуллубут суума 439,8 тыһыынча солкуобайтан кыра буоллаҕына, уонна атын усулуобуйалар тутуһулуннахтарына, үп-харчы биир кэмҥэ төлөнүөҕэ.
Хатаска ССРС успуордун маастарын А.В. Мокрощупов бирииһигэр тустууга күрэх буолан ааста. Бииргэ төрөөбүттэр курдук быстыспат…
Гражданскай оборуона дьыалаларын уонна нэһилиэнньэҕэ куттал суох буолуутун хааччыйар министиэристибэтин кэлэктиибэ, Саҥа дьылы көрсө байыаннай…
Борокуратуура ирдэбилин түмүгэр Саха сирин бүддьүөтүгэр 1,5 мөл. солкуобай төннөрүлүннэ. Горнай оройуонун борокуратуурата өрөспүүбүлүкэ борокуратууратын…
ИДьМ сулууспатын 2 №-дээх полициятын отделын дьуһуурунай чааһыгар балыыһаттан Дьокуускай куорат олохтооҕо төбөтүн эчэтэн, балыыһаҕа…
СӨ Ил Дархана Айсен Николаев Арассыыйа Дьоруойа Дмитрий Николаевич Егоров огдооботугар Надежда Алексеевна Андрееваҕа, байыаннай…
WhatsApp* (Арассыыйаҕа экстремисткэйинэн билиниллибит уонна бобуллубут Meta хампаанньа бас билиитэ) сокуон ирдэбиллэрин толорботох түгэнигэр үлэтэ…