СИА хаартыската
Түөкүн сибээс оператора аатыран Уус Маайа улууһугар Элдьикээн олохтооҕор төлөпүөннээбит.
ИДьМ Уус Маайатааҕы отделениетын дьуһуурунай чааһыгар 48 саастаах киһи харчытын албыннаппытын туһунан иһитиннэрбит. Кэпсээбитинэн киниэхэ сибээс операторабын диэн биир киһи эрийбит, сим-каартатын болдьоҕо бүтэн эрэрин туһунан эппит, код ыыппыттарын этэн биэрэригэр соруйбут. Салгыы «Госуслуга» порталыттан исписэлииспин диэн биир киһи эрийэн, араас бааннарга кирэдьиит көрдөөн түөрт сайаапка бэриллибитинэн тус кабинета блокируйдаммытын туһунан иһитиннэрбит. Аны видеонан сымыйа силиэдэбэтэл кэпсэппит. Кини бэрэбиэркэ ыытылла турарын, ол кэнниттэн холуобунай дьыала тэриллиэҕин туһунан эппит. Салгыы Арассыыйа Киин баанын сымыйа менеджерэ «долгуйан» турбут уонна харчытын барытын «куттала суох счекка» көһөрөрүгэр «сүбэлээбит». Ол түмүгэр, эмсэҕэлээччи итэҕэйэн 800 тыһ. солк. кэриҥэ харчытын түөкүттэр ыйбыт счеттарыгар ыыппыт.
Ытыктабыллаах гражданнар! Билбэт дьоҥҥутугар төлөпүөнүнэн ыытыллыбыт коду этимэҥ. Түөкүттэр сымыйанан сибээс оператора, баан, энергосбыт, быраабы араҥачылыыр органнар үлэһиттэрэ аатыраннар, дааннайдаргытын ыйытыахтарын сөп. Өйдөөҥ, түөкүттэр кирэдьиит ыллара уонна сымыйа счекка харчыны ыыттара сатыыллар!
СӨ ИДьМ пресс-сулууспата
Бүгүн өрөбүл күн – Күн салайар күнэ. Чаҕылхай, сырдык уонна күүстээх күн. Күн олоххо тапталы,…
Бүгүн, ахсынньы 14 күнүгэр, Саха сирин сорох улуустарыгар -12 кыраадыс буолара күүтүллэр диэн УГМС иһитиннэрэр.…
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…
Саҥа сылы көрсө харыйаны туруоруу, дьиэни киэргэтии аҥаардас бырааһынньыкка эрэ бэлэмнэнии буолбатах. Фэн-шуй этэринэн, бу барыта…
Биир үтүө күн маҕаһыыҥҥа бэркэ билэр дьахтарбын көрсө түстүм. Билэр киһи сиэринэн, үөрэ-көтө дорооболоһоору гыммытым,…