Хаартысканы Марта Николаева тиксэрдэ
Саха сирин үтүөлээх этээччитэ Арыйаана Романовна Михайлова тэрийбит үбүлүөйдээх күрэҕэр Ньурба улууһуттан Маар орто оскуолатыттан Камелия Яковлева муҥуутуур кыайыылаах аатын ылла уонна телевизорынан бириэмийэлэннэ.
Камелия ахсыс кылааска үөрэнэр,үҥкүү тылын этээччи быһыытынан үһүс сылын дьарыктанар. Камелия салайааччыта «Дьоҥкууда кыталыктара» оҕо народнай ансаамбылын салайааччыта Саргылаана Петровна Федорова буолар. Камелия бу ансаамбыл солистката. Оһуокайдыырын таһынан тойуктуур, кырыымпаһыт.
Камелия күрэхтэргэ мэлдьи кэлэн кыттар. Бүлүүгэ, ааспыт сылга Дьокуускайга буолбут Д.Я.Федотов төрөөбүтэ 90 сылыгар аналлаах оҕолорго, ыччакка аналлаах күрэххэ кэлэн эмиэ сүрүн бирииһи ылбыта. Камелия быйыл Ньурбаттан соҕотоҕун кэлэн кытынна. Айылҕаттан бэриллибит куолаһын таһынан,хомоҕой тыллаах этээччи, түһүлгэтин олус кыайа-хото тутар. Оһуокайга олус тардыһыылааҕа, баҕалааҕа үөрдэр. Инникитин бу дьоҕурун салгыы сайыннаран, кэскиллээх этээччи буолуо диэн эрэнэбит. Манна эбэн эттэххэ, оҕолор бары бииртэн биир үчүгэйдэр,мэлдьи этэ сылдьар,сиппит этээччилэртэн туох да уратылара суох курдук.
Марта Николаева
Аҕа дойду Улуу сэриитин кыттыылааҕа Егор Балбахов, анал байыаннай дьайыы кыттыылаахтара Айаал Балбахов, Валентин Кутейкин…
Соторутааҕыта Дьокуускай куорат маҕаһыыннарыгар саҥа, интэриэһинэй бородуукта баар буолла – эноки диэн ааттаах тэллэй. Азия…
СӨ Ил Дархана Айсен Николаев, РФ Оборуонатын миниистирин солбуйааччы Александр Санчигы кытта, РФ Сэбилэниилээх күүстэрин…
Саха сирин, Тыва, Камчатка үөрэх кыһаларын бүтэрбит эдэр дьон үксүн үөрэммит эрэгийиэннэригэр олохсуйан үлэлии хаалаллар,…
Бүгүн, ахсынньы 5 күнүгэр, Дьокуускайдааҕы А.Е. Кулаковскай аатынан норуоттар доҕордоһууларын дьиэтигэр өрөспүүбүлүкэ норуоттарын национальнай култуураларын…
СӨ Ил Дархана Айсен Николаев сэтинньи ый түмүгүнэн Уһук Илин губернатордарын медиа-рейтинин инники күөнүгэр таҕыста.…