Хаартыска СӨ Судаарыстыбаннай баһаарынай сулууспатыттан
Кыһын, ордук сыл саҥатыгар, тоһуттар тымныылаах Уһук Хоту, суолга уонна тыраассаҕа араас күүтүллүбэтэх быһыы-майгы тахсара баар суол.
Ол курдук, тохсунньу 7 күнүгэр, Муома улууһун баһаарынайдара үлэлэрин сарсыарда эрдэттэн тааны кыайан туораабакка олорон хаалбыт кыра оҕолордоох, атын да айанньыттардаах массыынаны быыһыыртан саҕалаабыттар. Дьонноох массыына улуус кииниттэн 25 км сиргэ буксуйбут диэн СӨ Судаарыстыбаннай баһаарынай сулууспатын пресс-сулууспата иһитиннэрэр.
Баһаарынайдар Кулун Өлбүт – Хонуу хайсхатынан айаннаан испит кыра оҕолордоох эдэр ийэлэр массыыналара тааҥҥа хаайтарбытын туһунан түбэлтэни эмсэҕэлээччилэр аймахтарыттан алҕас истибиттэр. Сураҕы истээт даҕаны баһаары кытары охсуһааччылар дьуһуурунай карауллара тута быыһыы тиийбит. Өрүс тааҥыттан баһаарынайдар массыына хаайтарбыт сиригэр диэри икки төгүл кэриҥэ килэмиэтири эргийэ айанныырга тиийбиттэр. Баһаарынайдар тиийээт даҕаны эдэр ийэлэри оҕолорун кытары массыыналарыгар көһөрбүттэр. Ол кэннэ анал оборудованиенан массыынаны тааҥтан состорон таһаарбыттар.
«Биһиги Муоматааҕы баһаарынай сулууспа отделын начаалынньыгар Серафим Николаевич Мараказовка уонна кини хамаандатыгар Богдан Николаевич Атласовка, Петр Прокопьевич Ефимовка суһаллык кэлэн быыһаабыттарыгар улахан махталбытын тиэрдэбит. Биһиги Кулун Өлбүт сэлиэнньэтиттэн оҕолорбутун кытары Хонууга айаннаан иһэн тааҥҥа хаайтаран хаалбыппыт. Бырааһынньыктары аахсыбакка баһаарынайдар суһаллык кэлэннэр быыһаатылар диэххэ сөп. Онон дьиэ кэргэттэрбит ааттарыттан Муома баһаарынайдарыгар махтанабыт. Чэгиэн доруобуйаны, дьоллоох олоҕу, ситиһиини уонна бары үтүөнү баҕарабыт», – диэн аҥас-балыс эдэр ийэлэр Сардаана уонна Туйаара суруйан махталларын биллэрэллэр.
Саха сирин булчуттарын туһунан Аҕа дойду Улуу сэриитигэр Кыайыы 80 сылынан үтүө тылынан ахтан-санаан ааһыахтара. …
Муустаах муораны тайаан сытар Усуйаана улууһун кырдьаҕас Усуйаана нэһилиэгэр Улуу Кыайыы 80 сылыгар аналлаах араас…
Суолга сэрэхтээх буолуҥ! Браабыланы тутуһуҥ! Дьокуускайга күнүс 12 чаас диэки "Hyundai Creta" массыынаны ыытан испит…
Оҕону иитэргэ өбүгэлэрбит саҕаттан кэлбит кэс тыллар бааллар. Ол туһунан хаһан эмэ истибиккит буолаарай? Кыыс…
Уус Алдан улууһун оскуолаларын 1987 сыллаахха бүтэрбит выпускниктар аахсыйаҕа көхтөөхтүк кытынныбыт. Ол курдук, биир дойдулаахпыт,…
Сыллата ыам ыйын 18 күнүгэр Саха сиригэр Ньургуһун сибэкки күнэ бэлиэтэнэр. Бу – кэрэ, нарын…