Ил Дархан Айсен Николаев ыйааҕынан, Муоматааҕы киин балыыһаҕа норуот хаһаайыстыбатын үтүөлээх үлэһитэ, тыа хаһаайыстыбатын уонна судаарыстыбаннай гражданскай сулууспа туйгуна Иван Петрович Павлов аата иҥэрилиннэ.
Ил Дархан Айсен Николаев кулун тутар 19 күнүгэр Муома улууһугар оробуочай сырыытын кэмигэр балыыһа комплексыгар Иван Петрович Павлов аатын иҥэрии үөрүүлээх сиэригэр-туомугар кытынна.
Өрөспүүбүлүкэ баһылыга Муома олохтоохторун Саха сиригэр Арктика күнүнэн эҕэрдэлээтэ.
«Арктика күнүгэр биһиги балыыһа комплексыгар Иван Петрович Павлов аатын иҥэрии үөрүүлээх сиэрин-туомун ыытабыт. Былырыын саҥа үлэҕэ киирбит балыыһа быһаччы кини көхтөөх кыттыытынан олоххо киирдэ. Иван Петрович балыыһа аныгы оборудованиенан толору сэбилэммит, киэҥ-куоҥ буолуохтаах диэн этэн турар. Иван Петрович уонна олохтоохтор ыра санаалара туолбутунан олус үөрдүм. Муома олохтоохторо бүгүн үрдүк технологиялаах мэдиссиинискэй көмөнөн туһанар кыахтаннылар», – диэтэ Айсен Николаев.
Арктическай зонаҕа улахан үс этээстээх балыыһа комплекса Хонууга биир сыл анараа өттүгэр үлэҕэ киирбитэ. Тутуу дойду Аҕа баһылыга Владимир Путин көҕүлээбит «Доруобуйа харыстабыла» национальнай бырайыагынан тутуллубута.
СӨ Бырабыыталыстыбатын Бэрэссэдээтэлин бастакы солбуйааччы Дьулустан Борисов эрэгийиэннээҕи инвестиционнай килиимэт бырайыагын ырытар мунньаҕы салайан ыытта.…
В.К. Арсеньев аатынан «Уһук Илин» Бүтүн Арассыыйатааҕы литературнай бириэмийэ кыайыылаахтарын биллэрэр уонна наҕараадалыыр үөрүүлээх сиэр-туом…
Быйыл тохсунньу ыйтан ахсынньы 2 күнүгэр диэри Россельхознадзор Амур уобалаһыгар уонна Саха Өрөспүүбүлүкэтигэр управлениетын иниспиэктэрдэрэ…
Бу күннэргэ Волонтер күнүн бэлиэтээн аастыбыт. Онно элбэх волонтерскай хамсааһын үтүө санаалаах, амарах дууһалаах волонтердара…
Арассыыйа Дьоруойа Геннадий Трошев аатынан кадетскай оскуола-интэринээт иитиллээччилэрэ Кириэмил Баалыгар кыттыыны ылыахтара, диэн Мииринэй улууһун…
2023 сыл тохсунньутугар ФАПК «Якутия» АУо тэрилтэтигэр утах кутар лииньийэҕэ көрөр-истэр үлэһит дьахтар эчэйбит. Үлэ…