Хаартыска: Андрей Сорокин, ЯСИА.
Муома оройуонун Госавтоинспекциятын үлэһиттэрэ тимир көлө диагностическай каартатын сымыйанан оҥорбуттарын быһаардылар.
Тимир көлөнү регистрациялыыр кэмҥэ 36 саастаах олохтоох дьахтар полицейскайдарга тырааныспар сириэстибэтин диагностическай каартатын биэрбит. Ол докумуон дьиҥнээҕэ быраабы араҥаччылыыр үлэһиттэргэ саарбаҕалааһыны үөскэппит, диэн СӨ ИДьМ пресс-сулууспата иһитиннэрэр.
Силиэстийэ быһаарбытынан, уорбаланааччы дьахтар диагностическай каартаны оҥоттороору Муома оройуонуттан саҥа массыынатынан Дьокуускай куоракка айанныырга санаммыт. Ол иһин кини өрөспүүбүлүкэ киинигэр оннук мааркалаах майгынныы тырааныспары булан, онно бэйэтин нүөмэрдэрин туруоран, атын киһи массыынатын бэйэтин киэнинэн көрдөрөн, наадалаах докумуону оҥотторбут. Дьахтар албына, полицейскайдар буруйу оҥорбут дьахтар массыынатын көлүөһэтин диискэлэрэ хаартыскаҕа көстөр диискэлэргэ сөп түбэспэттэрин бэлиэтииллэригэр, арыллыбыт.
Арассыыйа Федерациятын Холуобунай Кодексатын 327-с ыстатыйатын 3-с чааһынан («Сымыйа докумуоннары, судаарыстыбаннай наҕараадалары, штампалары, бэчээттэри эбэтэр бланкалары ҥоруу эбэтэр эргитии») холуобунай дьыала тэрилиннэ. Бу ыстатыйанан дьахтар биир сылга диэри көҥүлэ быһыллыан сөп.
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…
Саҥа Дьыл чугаһаабытынан Саха сирин олохтоохторо дьиэлэригэр, «утренниктарга» уонна тэрилтэлэрин киэһэлэригэр Тымныы Оҕонньору уонна Хаарчаананы…
Ил Дархан 2025 сыл түмүктэрин таһаарыаҕа уонна өрөспүүбүлүкэ сайдыытын кэскилин торумнуоҕа. Ахсынньы 23 күнүгэр, Дьокуускай…
Кини сыл барыллаан түмүктэрин таһааран, инники былааннарын кытта билиһиннэриэҕэ. СӨ Бырабыыталыстыбатын иһинэн ЗАГС управлениетын салайааччыта…
Дьокуускайдааҕы куорат суута уорууга (РФ Холуобунай кодексатын 158-с ыстатыйатын 2-с чааһын «в» пууна) буруйданар киһи…