Муома олохтоохторо бэйэ дьыалатын тэринэллэр

Соболоох олохтооҕо Спиридон Никонов 2021 сыллаахха маннык көмөнү ылан, хаһаайыстыбатын сайыннарбыт. Билигин хас да сылгылаах.
«Маннык тымныы күннээх-дьыллаах сиргэ үгэстийбит дьарык, тыа хаһаайыстыбата сайдара үөрдэр», — диэн этэр Альбина Трубина.
Кини Хонууга социальнай хантараак көмөтүнэн бэйэ дьыалатын тэриммит дьону көрүстэ.
Элбэх оҕо аҕата Егор Федоров 2022 сыллаахха социальнай хантараак түһэрсибит, сыбааркалыыр мастарыскыай арыммыт. Билигин дьон киниэхэ тимиртэн араас оҥоһуктары үлэһэн оҥотторор. Ону сэргэ, ордук оройуон киинигэр ыҥырыкка сылдьан үлэлиир.Икки оҕолоох Мария Павлова былырыын кэрэ буолуу салонун арыйбыт. Билигин кини өҥөтүнэн элбэх киһи туһанар. Мария бу үлэтин өссө сайыннарар, кэҥэтэр былааннаах.
Санатан эттэххэ, Ил Дархан Айсен Николаев сорудаҕынан, 2022 сыллаахха социальнай хантараак төлөбүрүн кээмэйэ үрдээбитэ. Ол курдук, бэйэ дьыалатын тэриниэн баҕалаахтарга суума 350 солк. диэри, кэтэх хаһаайыстыбаны сайыннарарга 250 тыһ.солк. диэри.