Муома оройуонугар сир хамсааһына бэлиэтэннэ

Субуотаҕа, олунньу 8 күнүгэр, Саха сирин хотугулуу-илин өттүгэр Муома оройуонугар сир хамсааһына бэлиэтэннэ.

Бу туһунан Дьокуускайдааҕы ФИЦ ЕГС РАН Саха сиринээҕи салаата иһитиннэрэр. Ол курдук, сир хамсааһынан  олохтоох бириэмэнэн киэһэ  19:43 чааска регистрацияламмыт.  Дириҥэ — 10 км, Раутиан энергетическай кылааһынан  — 12,7.  Сир хамсааһынын күүһэ МСК шкалатынан 6-7 баалга тэҥнэһэр, оттон магнитудата — 5.