Хаартыска: СИА.
Кулун тутар 19 күнүгэр Айсен Николаев Муома улууһун Хонуу сэлиэнньэтигэр үлэлээтэ. Кини 2019 сыл алтынньытыгар кэлэ сылдьан, сорудах биэрбитэ төһө туолбутунан мунньах ыытта.
Ил Дархан: «Сорудах элбэх этэ, үксэ туолбут, ол эрээри, сорох боппуруостар туолбакка хаалбыттар» диэн бэлиэтээтэ.
— Муома улууһугар бырамыысыланнас сайдыан сөп. Манна кыһыл көмүһү эрэ буолбакка, атын да сир баайын хостуохха сөп. Оройуоҥҥа уонна өрөспүүблүкэҕэ улахан инвестиция буолуоҕа, элбэх үлэ миэстэтэ тахсыаҕа, бырамыысыланнас, урбаан сайдыаҕа, — диэн кини эттэ.
Таба ахсаана 2017 сылтан 27% эбиллибит, онон 2024 сылга 14,4 тыһыынча таба баара. Бу көрдөрүүтүнэн Арктика зонатыгар 4-с миэстэни ылар.
Тутууга, социальнай эбийиэктэр сайдыыларыгар хамсааһын барбыт. Хонууга балыыһа комплекса, Сааһыырга амбулатория тутуллубуттар. Оскуолаларга хапытаалынай өрөмүөн ыытыллыбыт, спортивнай саалалар саҥардыллыбыттар.
2024 сылга Хонууга хаарбах дьиэни көһөрүү бырагырааматынан элбэх кыбартыыралаах икки дьиэ тутуллубут, быйыл Чуумпу Кытылга уонна Сааһыырга тутуллуохтаахтар.
Эһиил бары нэһилиэнньэлээх пууннары түргэн интэриниэтинэн хааччыйыахтара. Улуус баһылыга Дмитрий Аммосов этэринэн, 2022 сыллаахха 7,2 МВт. кыамталаах аптамаат гибриднэй энергокомплекстар тутуллан киирбиттэр. Онон нэһилиэнньэ 92%-на киин ититиигэ холбонон олорор. Быйыл Сааһыырга саҥа хочуолунайы тутуу саҕаланыаҕа.
Мунньахха Хонууга ууну ыраастыыр эбийиэги тутуу, кыһыҥҥы суолу оҥоруу, Индигиир өрүс кытылын бөҕөргөтүү, суолу оҥоруу, улуус киинигэр споривнай комплексы тутуу, чоҕу хостооһун, о.д.а боппуруостары көрдүлэр.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…