Муома улууһун олохтооҕо ойоҕун саанан ытан өлөрбүт

Муома улууһугар киһини өлөрүүгэ тиэрдибит булт саатын дьалаҕайдык харайыы чахчытынан холуобунай дьыала тэрилиннэ.

Бу туһунан СӨ Борокуратууратын пресс-сулууспата иһитиннэрэр. Силиэстийэ быһаарбытынан, олохтоох эр киһи бултаан-алтаан кэлбит уонна «Sibergun» саатын чугас ыаллыы олорор дьонугар арыгы иһэн баран көрүүтэ-истиитэ суох хаалларбыт.  Кыбартыыра  хаһаайына булчут утуйбутун туһанан, гражданскай ойоҕун кытта иирсээн кэмигэр саанан дьахтары төбөтүгэр ыппыт.

Билигин силиэстийэлиир дьаһаллар ыытыллаллар, дьыала Борокуратуура хонтуруолугар сылдьар.