Муома улууһун үөрэх управлениета харчыны сокуоннайа суох туһаммыта билиннэ

Оройуон борокуратууратын быһаарыытынан, үөрэх управлениетын начаалынньыгын э.т. бирикээһигэр олоҕуран Муома улууһун үөрэҕин управлениетын үлэһитэ Дьокуускай куоракка өрөспүүбүлүкэтээҕи каадыр куонкуруһугар кыттарга командировкаҕа айаннаабыт.

«Одаренные дети» бырагыраама чэрчитинэн муниципальнай бүддьүөттэн командировкаҕа айаннабыт үлэһиккэ 60 тыһ. солк. суума харчы ыытыллыбыт. Ол гынан баран, командировка харчыта бу бырагыраама сыалыгар уонна соругар эппиэттээбэтэ биллибит. Улуус баһылыга административнай эппиэтинэскэ тардылынна. Ол курдук, дуоһунастаах сирэй 20 тыһ.солк. суумаҕа ыстарааптанна, оттон 60 тыһ.солк. бүддьүөккэ төнүннэрдилэр.