Хаартыска: СИА
Олунньу 25 күнүгэр тыыл бэтэрээнэ, Саха Өрөспүүбүлүкэтин Ытык кырдьаҕаһа уонна Муома оройуонун бочуоттаах гражданина Екатерина Старостина 100 сааһын бэлиэтээтэ.
Уһун үйэлээҕинэн ытык кырдьаҕаска Арассыыйа Бэрэсидьиэнэ Владимир Путин уонна Ил Дархан Айсен Николаев эҕэрдэ суруктарын туттардылар. Ону тэҥэ Екатерина Старостина Улуу Кыайыы 80 сылыгар аналлаах мэтээлинэн уонна 1 мөл.солк. биир кэмнээх төлөбүрдээх «Үйэ саас» бочуоттаах бэлиэнэн наҕараадаланна. Наҕарааданы туттарыы тэрээһинигэр Өлүөхүмэ улууһун баһылыга Дмитрий Аммосов уонна оройуоннааҕы социальнай сайдыы, нэһилиэнньэ социальнай көмүскэлин управлениетын салайааччыта Антонина Щелканова кытыннылар.
Екатерина Егоровна Старостина 1925 сыллаахха олунньу 25 күнүгэр Хонуу сэлиэнньэтигэр төрөөбүт. Кэргэнин кытта тоҕус оҕону иитэн таһаарбыттар. Екатерина Егоровна 16 сааһыгар үлэтин 1940 сыллаахтан саҕалаабыт. Калинин аатынан холкуоска ыанньыксыттаабыт. 1947 сыллаахха «Аҕа дойду Улуу сэриитигэр килбиэннээх үлэтин иһин» мэтээлинэн наҕараадаламмыт.
Сэрии кэннинээҕи сылларга Екатерина Егоровна эмиэ ыанньыксыттыы сылдьан, эппиэттээх, үтүө суобастаах үлэһит быһыытынан хаста да үлэ бастыҥа буола сылдьыбыт.«Тыыл бэтэрээнэ» бэлиэнэн, «Саха сирин тыатын хаһаайыстыбатын бэтэрээнэ» бочуоттаах бэлиэнэн, «I истиэпэннээх Ийэ килбиэнэ» уордьанынан, ону кытта «Саха Өрөспүүбүлүкэтин Ытык кырдьаҕаһа» түөскэ кэтиллэр бэлиэнэн наҕараадаламмыт.
Үлэ ырыынагар үлэһит илии тиийбэтэ уонна импорты солбуйар оҥорон таһаарыы күүскэ сайдыыта кэнники сылларга хамнас…
Таатта улууһун борокуратууратын быһаарбытынан, Алдан нэһилиэгин баһылыга дуоһунаһын туһанан, урбаанньыт быраатын кытта 453 тыһ. солк.…
Реабилитацияланарга тэхиниичэскэй сириэстибэлэри прокаттыыр пууннар өрөспүүбүлүкэ бары улуустарыгар уонна Дьокуускай куоракка аһылыннылар, диэн СӨ Үлэҕэ…
Бүгүн Хаҥалас улууһугар бэлиэ тэрээһин – Тыгын Дархан пааматынньыгын уонна кини сыдьааннарыгар анаммыт мемориальнай комплексы…
«Кыайыыга бииргэ!» өрөспүүбүлүкэтээҕи хамыыһыйа байыаннай сулууспалаахтары эбии хааччыйыыга былааннаах үлэтин салгыыр. Кэлэр нэдиэлэҕэ байыаннай дьайыы…
Олохтоох киһи көҥүллүүр докумуона суох, Эбээх сэлиэнньэтиттэн 30 км тэйиччи Талыкаан диэн сиргэ үс кыыл…